Acta Apostolicae Sedis - Commentarium Officiale726

Hoc in opere investigationis et orationis aequo animo agnoscimus etiam

hos aspectus qui postulant ut altius exquiratur quique longe absunt, sicut

exempli gratia comprehensio subiecti auctoritate praediti circa interpretatio-

nem in Ecclesia et decretorium Magisterii munus.157

Cupimus insuper in lucem proferre ea quae Patres synodales, hoc in opere

oecumenico, edixerunt de pondere conversionum Bibliorum in varios sermones.

Novimus enim textum convertere non esse merum opus mechanicum, sed

quodam sensu partem esse operis interpretationis. De hac re in memoriam

Nobis revocare liceat effatum illud Venerabilis Servi Dei Ioannis Pauli II:

« Qui meminit quantum in divisiones valuerint, praecipue in Occidente,

disputationes de Scriptura, intellegere potest quam notabilis progressio sint

eiusmodi conversiones communes ».158 Hoc sensu promotio communium con-

versionum Bibliorum pars est operis oecumenici. Hic gratias referre cupimus

omnibus qui incumbunt hanc in magnam responsalitatem eisque animum

addere ut operam suam prosequantur.

Consectaria de studiorum theologicorum positione

47. Aliud consectarium proveniens ex congruenti hermeneutica fidei

pertinet ad necessitatem exhibendi implicationes quoad formationem exege-

ticam et theologicam praesertim candidatorum ad sacerdotium. Agendum est

ita ut studium sacrae Scripturae revera anima sit theologiae quoniam in ipsa

Verbum Dei agnoscitur, quod hodie vertitur ad mundum, ad Ecclesiam et ad

unumquemque nostrum. Magni interest ut criteria proposita in n. 12 Consti-

tutionis dogmaticae Dei Verbum reapse considerentur et altius perspiciantur.

Vitetur oportet ne conceptio pervestigationis scientificae neutralis censeatur

erga Scripturam. Quapropter una cum studio linguarum quibus scripta sunt

Biblia atque congruentium viarum interpretationis, necesse est ut alumni

altam vitam spiritalem nutriant, ita ut intellegatur Scripturam comprehendi

posse tantum si ipsa vivitur.

Hoc in prospectu monemus ut studium Verbi Dei, traditi et scripti, sem-

per eveniat in profundo spiritu ecclesiali. Quem ad finem debite ratio habea-

tur in formatione academica doctrinae de his disciplinis ex parte Magisterii,

quod « non supra verbum Dei est, sed eidem ministrat, docens nonnisi quod

traditum est, quatenus illud, ex divino mandato et Spiritu Sancto assistente,

157 Cfr. Conc. Oecum. Vat. II, Const. dogm. de divina Revelatione Dei Verbum, 10. 158 Litt. enc. Ut unum sint (25 Maii 1995), 44: AAS 87 (1995), 947.