Acta Apostolicae Sedis - Commentarium Officiale612

congregati sunt Consultores Theologi. Quorum positiva vota confirmata sunt

a Patribus Cardinalibus et Episcopis in Sessione Ordinaria diei 8 mensis Iunii

anni 2010, qui, audita relatione Ponentis Causae, Exc.mi D.ni Raphaëlis

Martinelli, Episcopi Tusculani, edixerunt Servam Dei in theologalibus, car-

dinalibus eisque adnexis virtutibus exercendis heroicum attigisse gradum.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis, in gradu heroico, Servae Dei Mariae

Antoniae a Sancto Ioseph (in saec.: Mariae Antoniae de Paz y Figueroa),

Fundatricis Domus Exercitiorum Spiritualium Bonaërensis, in casu et ad

effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iulii A.D. 2010.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis