316 Acta Apostolicæ Sedis - Commentarium Officiale

MATRITENSIS

Beatificationis et Canonizationis Servi Dei Emmanuelis Aparici Navarro Sacerdotis

Dioecesani (1902-1964)

DECRETUM SUPER VIRTUTIBUS

« Nam si evangelizavero, non est mihi gloria; necessitas enim mihi in-

cumbit. Vae enim mihi est, si non evangelizavero! » ( 1 Cor 9, 16).

Haec Apostoli verba in plenitudine vitam amplectuntur et operam Servi

Dei Emmanuelis Aparici Navarro, qui super omnia Dominum dilexit et suam

exsistentiam in apostolatum propter Dei et Ecclesiae amorem dicavit, per

oboedientiam Episcopis pro animarum salute subiectus.

Emmanuel Aparici Navarro ortum habuit Matriti die mensis Decembris

anno 1902, e familia congruis opibus praedita necnon validis principiis

christianaque fide ditata. Mater eius summa eminebat pietate. Litterarum

rudimenta Matriti didicit et, cum pater eius operis causa translatus sit,

cetera studia Barcinone et Tarracone prosecutus est apud Collegia Scho-

larum Piarum. Hoc quidem tempore primo accessit ad sacrum convivium

et chrismate Confirmationis est unctus; sensus tamen religiosus in eius

iuventute potius levis apparet.

Anno 1925, postquam de rogatu matris spiritualibus secessibus inter-

fuerat, vita eius spiritualis mutari coepit. Anno 1928, novisse potuit domi-

num Angelum Herrera, postea Cardinalem, qui in Servum Dei altissimum

infudit sensum supernaturalem et assiduam Summo Pontifici et Hierarchiae

oboedientiam. Eodem anno Matriti cooptatus est in Actionem Catholicam

apud Centrum Paroeciale Sancti Hieronymi El Real, statuens studia iuris

relinquere ut illae coalitioni catholicae iuvenum praesto esse posset. Anno

1934 nominatus est Praeses Nationalis Actionis Catholicae, et uti primam

ponderatam decisionem in urbem Romam peregrinationem apparavit; tunc

a Pio XI coram admissus est, quo eventu in animo penitus tactus est.

Servus Dei de Urbe reversus est quam qui maxime paratus ad vires pro

iuventute impendendas. Condidit coetum Nuntiatorum Consilii Superioris

Actionis Catholicae, ut novos moderatores institueret; inde in eorum cru-

cifixo inscribi iussit lemma Sitio. Etenim profundam animarum sitim nec-