45. De sancto Iacobo.

In 1. Vesperis.

Ad Magnificat.

A. Collatum miseris

fidum refugium,

Collaudat Iacobum

coetus fidelium,

Ut eius assequi

possit auxilium.

Ad Matutinum.

Invitatorium.

1. Invitati exsultemus

Et patrono iubilemus

Et ad eum conclamemus:

Ave, frater Christi.

In 1. Nocturno.

Antiphonae.

1. In omnem terram exiit

A sono praedicantium

Sponsus, gigas et thalamus

Et cursus eius spatium.

2. Novi patres docuerunt,

Quam dulcis esset Dominus,

Quando eum gustaverunt

Qui se ferebat manibus.

3. Pro patribus sunt filii,

Quos summus princeps princi-

pes,

Lux vera lumen saeculi

Et iudex fecit iudices.

Responsoria.

1. Quam efficax

sit virtus fidei

Ad vincendas

vires diaboli,

In Phileto

satis apparuit

Per virtutem

nostri apostoli.

V. Dominus solvit compeditos,

'' Dominus erigit elisos.

''2. Hermogenes

addictus fidei

Per alumnum

suarum artium

Iam astruit,

quod exprobraverat,

Iesu Cbristo

dans testimonium

Per Iacobum.

V. Lingua canum tuorum ex

'' inimicis ab ipso.

''3. Veritatis

assertor Iacobus

Dum Iudaeos

errantes arguit,

Coram scribis

et sacerdotibus

Confiteri

Christum non timuit;

A concilio multo

V. ''Non abscondi misericordiam

tuam et veritatem tuam.''

In 2. Nocturno.

Antiphonae.

1. Elegit nobis Dominus

Hereditatem propriam,

In qua suos congregaret

Secum in sinum Abrabam.

2. Dedisti, Domine,

Nomen tuum timentibus

Dies super dies,

Te semper contuentibus.

3. Nuntiarunt apostoli

Dei nostri magnalia,

Quorum fructus est aeterna

Post spem sanctam laetitia.

Responsoria.

1. O respectus pietatis,

quo Iosias commutatur

Et, quem fune prius traxit,

morientem comitatur;

Sic Zebedaei filius

ab Herode decollatur

V. Calicem salutaris accipiens

'' et nomen Domini invocans.

''2. Decollatum ab Herode

Alumni suscipiunt

Et ad mare deportantes

Cum eo suffugiunt,

Donec Deo conducente

Ad portum perveniunt.

V. ''Viam fecisti in mari equis

tuis, Domine, propter quod

ad portum perveniunt.

''3. In portu positi

clientes luminis

Templum reperiunt

antiqui numinis,

Ibi vetus

conquassant idolum

Et reponunt

sanctum apostolum.

V. ''Exaltent eum in ecclesia plebis

et in cathedra seniorum lau-

dent eum.''

In 3. Nocturno.

Antiphonae.

1. In columnis ecclesiae

Confirmatis a Domino

Fracto cornu superbiae

Vera fit exaltatio.

2. Illuxerunt orbi terrae

Miraculorum fulgura,

Quae maxime commendabant

Apostolorum tempora.

3. Exaltate sancti montes

Sanctum sanctorum omnium,

Cuius caelum facta sedes,

Terra pedum subsellium.

Responsoria.

1. Post temporis

transactum spatium

Devotio

crescens fidelium

Sancto sanctam

fecit basilicam,

In qua colit

hanc gemmam unicam.

V. ''Inventa una pretiosa marga-

rita abiit et emit hanc gem-

mam unicam.

''2. O lucerna, quam superna

Lux illustrat gratia,

O oliva semper viva

Profluens clementia,

Fac nos vere, fac sincere

Laudes tuas prosequi,

Ut post mortem sanctam sortem

Mereamur assequi.

V. ''Ierusalem, quae aedificatur

ut civitas, cuius participatio

eius in idipsum.''

3. O columna

sincerae fidei,

Quam martyrum

circumstant cunei,

O Iacobe,

spes et refugium

Fideliter

tibi astantium,

Serves, sancte,

sanctam ecclesiam

Et propellas

omnem molestiam.

V. ''Accingere gladio tuo super

femur tuum, potentissime.''

In Laudibus.

Antiphonae.

1. Mirabilis

matris praesumptio,

Quam praesumpsit

pro suo filio,

Ut concederet regnum.

2. Reprimitur

matris praesumptio,

Prudentia-

que magisterio:

Nescitis quid petatis.

3. Siscitati,

si possent calicem,

Passionum

sanctarum indicem,

Respondent possumus.

4. Bibetis ait veritas,

quod vobis propinabitur,

Sed sedere est eorum,

quibus a patre dabitur.

5. Felices oculi,

quos illustravit visio,

Quam Christi contulit

sancta transfiguratio.

Ad Benedictus.

A. Ave, pater,

nostra protectio,

Noster amor

et consolatio,

Assistentes

tuo servitio

Fac immunes

ab omni vitio.

In 2. Vesperis.

Antiphonae.

1. O suavis

et mira gratia,

Quae dat nobis

certa praesidia,

Ad quae nostra

currat infirmitas,

Quandocunque

premit necessitas.

2. Hodierna

dies est gaudii

Et augmentum

magni praesidii,

Qua consessum

Christi promeruit,

Qui calicem

bibisse potuit.

3. Qui conscendit

ad sedem gloriae,

Sit patronus

huius familiae

In perpetuum.

4. Sancte frater salvatoris

Et lucerna mirabilis,

Cuius honor, cuius amor

Est gratus et amabilis,

Audi tuos et conserva

Suavitate solita.

5. Iacobe, qui Christi

calicem patiendo bibisti,

Iucundo festo,

pater o specialis, adesto.

Ad Magnificat.

A. Magnificet

pia familia

Pium patrem

pia laetitia,

Ut per eius

obtentam veniam

Consequamur

et veram gloriam.