Quinquagena II.

51. Ave, per quem mundana vanitas
Est destructa virtutum opere,
Post hanc vitam tua benignitas
Nos olivae iungat fructiferae.

52. Ave, Iesu, cuius clementia
Consolatur nos in maeroribus,
Nos a mundi vana placentia
Liberato atque terroribus.

53. Ave, Iesu, Deus absconditus,
Qui fuisti virginis utero,
Te exoro peccatis deditus,
Ut me iungas coetui supero.

54. Ave, Iesu cuius sacerrimum
Corpus pendens in crucis stipite
Propulsavit

hostem deterrimum,
Vulneraret qui nos ancipite.

55. Ave, Iesu, cuius calcaneum
Observarunt Iudaei subdoli,
Loeum nobis praesta sidereum,
Quos creasti dudum ex nihilo.

56. Ave, cuius misericordia
Consolatur mentes fidelium,
Turbatorum aufer opprobrium
De supernis mittens auxilium.

57. Ave, clavis, quae caelumreseres
Iustis, vincunt

qui hostis laqueos,
Mentis nostvae emunda latebras
Eradicans ramni aculeos.

58. Ave, Iesu, sanctorum gaudium
Atque merces qui iuste diceris,
Bis acutum da mihi gladium
Duplae legis, novae ac veteris.

59. Ave, Iesu, granum triticeum,
Multum fructum

post mortem adferens,
Me aeternae vitae idoneum
Fac, peccata cuncta demoliens.

60. Ave, petra, sub qua protegimur
Inimici a torva facie,
Cum post mundi

finem deducimur,
Ubi verae assunt deliciae.

61. Ave, Iesu, qui te timentibus
Frumentum es et refrigerium,
Naufragemur

ne mundi fluctibus,
Sublevamen da necessarium.

62. Ave, Iesu, lux, cuius radio
Dissolvuntur legis mysteria,
Nos, quos caecat mundi ambitio,
Pietate tua humilia.

63. Ave, Iesu, tutor credentium,
A timore hostis quos sublevas,
A conventu nos malignantium
Nunc defende,premensinsidias.

64. Ave, Iesu, inferni aciem
Percussisti qui manu valida,
Mentis meae impingua maciem,
Uti in te sit superfervida.

65. Ave, fons et origo gaudii
Populorum, quos unda renovas,
Tribulatis da refrigerii
Opem, quos perignem examinas.

66. Ave, iter, per quod qui graditur
Oberrare nequit per tenebras,
Per te via angusta panditur,
Qua venitur ad sedes superas.

67. Ave, Iesu, qui hostes dissipas,
Qui oderunt te in hoc saeculo,
Cogitationes fumiferas
Longe fac a cordis oppidulo.

68. Ave, cuius nomen cum cantico
Collaudamus

nunc et in saeculum,
Nos a fundo emerge limico,
Per quod solet oriri scandalum.

69. Ave, qui nos tuis praesidiis
Liberasti ab hostis furia,
Da, malorum victis opprobriis
Exsultemus tecum in gloria.

70. Ave, Iesu, protector populi
Dimicantis adversus zabulum,
Truculenti quos turbant aemuli,
Tu solamen largire sedulum.

71. Ave, Iesu, rex regum omnium,
Tuae pacis dans abundantiam,
Per natalis tui mysterium
Tuam nobis

iam praesta gratiam.

72. Ave, Iesu, qui mundis cordibus
Te videndum spondes in patria,
A peccati nos munda sordibus
Gratiarum praebens donaria.

73. Ave, Iesu, perpes hereditas
Beandorum in caeli curia,
Ne me, quaeso,tangatcalamitas,
Quam molitur hostilis furia.

74. Ave, Iesu, cui confitebimur
Implorantes misericordiam,
Peccatorum

fascem, qua premimur,
Per divinam leva clementiam.

75. Ave, auctor pacis et gratiae,
Qui vicisti arcum et gladium,
Per virtutem tuae potentiae
Bellum aufer paci contrarium.

76. Ave, Iesu, cuius memoria
Maestis dulcis est delectatio,
Fera turbat me iracundia,
Quam compescat tua dignatio.

77. Ave, petra, de cuius latere
Sacramentum fluxitbaptismatis,
Quo renatos dignare munere
Consolari aeterni pneumatis.

78. Ave, Iesu, quo nihil dulcius,
Devotorum refovens animum,
Sis peccatis meis propitius
Propter nomen

tuum sanctissimum.

79. Ave, Iesu, ad caeli pascua
Qui deducis

credentem populum,
Mentes nostras sorde evacua
Et depelle omne periculum.

80. Ave, Iesu, dulcedo mellica,
Pia cibans corda fidelium,
Servitute de Aegyptiaca
Nos absolve dans refrigerium.

81. Ave, Iesu, protector pauperum,
Quorum causas benignesuscipis,
Me resolve

nunc, quaeso, miserum
Ab habenis inferni principis.

82. Ave, Iesu, cui nemo similis
Hic in terra nec in caelestibus,
Servus tuus te petit humilis,
Ut defendas ipsum ab hostibus.

83. Ave, amor et desiderium
Cordis mei, Iesu dulcissime,
Caeli me fac intrare atrium,
Sic te vigor exorat animae.

84. Ave, Iesu, exorta veritas
De Maria intacta virgine,
Tua nobis praestet benignitas,
Ut salvemur in mundi turbine.

85. Ave, miserator et Domine,
Cuius semper manet imperium,
Gloriantem in tuo nomine
Salva tuae ancillae filium.

86. Ave, cuius per mundi spatium
Latitudo claret imperii,
Nos ad chorum

tecum laetantium
Per ducatum duc evangelii.

87. Ave, Iesu, qui inter mortuos
Liber claustra fregisti inferi,
Incidamns ne in perpetuos
Ignes, ope succurre celeri.

88. Ave, lesu, fundator machinae
Mundi eiusque plenitudinis,
Exsultantes in tuo nomine
Donis dita beatitudinis.

89. Ave, Iesu, asylum exsulum,
Turbatorum mortis formidine,
Me custodi nunc et in saeculum
Ab aeterni ignis uredine.

90. Ave, Iesu, qui tuis servulis
Pandis aures, ut hos exaudiant,
Manda, quaeso, beatis angelis,
Ut in vita hac nos custodiant.

91. Ave, cuius facta magnifica
Collaudamus

nunc et perenniter,
Nos ut cedrum,

quaeso, multiplica,
Ut vivamus odorabiliter.

92. Ave, Iesu, qui fortitudine
Es indutus devincens zabulum
Ab aeternae amaritudine
Mortis tuae defende famulum.

93. Ave, qui per arta itinera
Ad aeternam vitam nos dirigis,
Membra tua nos fove tenera,
Qui, quae nobis

desunt, intellegis.

94. Ave, Iesu, rex creans omnia,
Iubilamus cui totis cordibus,
Gregem tuum aeternis satia
Alimentis cum caeli civibus.

95. Ave, Iesu, cuius praesentiam
Promiserunt dicta prophetica,
Nos mundatos per paenitentiam
Tandem transfer
ad regna caelica.

96. Ave, Iesu, quem sancti angeli
In supernis adorant iugiter,
Capiamur ne fraude zabuli,
Nos custodi, peto humiliter.

97. Ave, cuius fama velocius
Vento currit per mundi climata,
Servis tuis succurre ocius,
Quos peccati premunt demerita.

98. Ave, candor

sidusque splendidum,
Illustratur quo caeli civitas,
Me fulgore tuo fac canditum,
Quem peccatiobfuscatnigritas.

99. Ave, Iesu, aeterne Domine,
Iubilamus cui in laetitia,
Absolutos ab omni crimine
In aeterna perduc nos atria.

100. Ave, Iesu, cui simplicitas
Semper placet ac innocentia,
A me, quaeso, omnis duplicitas
Elongetur atque superbia.