Congregatio de Causis Sanctorum 613

CHICAGIENSIS

Beatificationis et Canonizationis Servae Dei Mariae Kaupas (in saeculo: Casimi-

rae), Fundatricis Congregationis Sororum Sancti Casimiri (1880-1940)

DECRETUM SUPER VIRTUTIBUS

« Peregrinum non opprimes; scitis enim advenarum animas, quia et ipsi

peregrini fuistis in terra Aegypti » (Ex 23, 9).

Hoc mandatum, quod Dominus populo Israel praecepit, opus missiona-

rium Servae Dei Mariae Kaupas summopere perstringit, quae, aerumnis

laboribusque emigrationis in seipsa expertis, mutuae acceptionis et miseri-

cordis subsidii humani funditus intellexit momentum, quibus omnes qui

in tantis rerum adiunctis versantur egent, ut angustias suas aequanimiter

honesteque suscipiant.

Venerabilis Serva Dei in parvo vico Gudeliai in Lituania die 6 mensis Iunii

anno 1880 nata est et paucos dies post ortum ad baptismalem fontem ducta

Casimirae nomen sumpsit. Iam inde a pueritia, praesertim patre duce, qui vir

fuit pietate et veneratione valde informatus, firmam recepit christianam

institutionem.

Anno 1897, Serva Dei a fratre Domino Antonio presbytero Scranton

in Pensilvania ex Civitatibus Foederatis Americae Septentrionalis invitata

est, ut apud eum negotia ageret familiaria. Hac in civitate vita Casimirae

famulatus secessusque et orationis spiritu emicuit. Eodem tempore, autem,

facultatem quibusdam eiusdem patriae obviandi eosque frequentandi habuit,

quibus flagrans suum reseravit desiderium, ut exordium capere posset Insti-

tuti cuiusdam religiosi Lituani pro spirituali ac religioso auxilio migrantium.

Tam peculiarem Serva Dei intellegere incepit missionem, ad quam Dominus

eam vocabat.

Anno 1901, Casimira in patriam revocare statuit, non modo ut caros

salutaret, sed praesertim quo aptius de vocatione sua consuleret. Anno

post, maturae animi perscrutationis transacto tempore, Serva Dei in

Conventum Anglobulensem in Helvetia apud Sorores a Caritate Sanctae

Crucis recepta est ac deinde iterum in Scranton apud Ancillas Cordis

Immaculati Mariae destinata, quo distinctius praeparationem suam

perficeret. Mense Aprili anni 1907, Apostolica Sedes concessit, ut novam

Serva Dei fundaret institueretque Congregationem, in qua una cum duabus