Congregatio de Causis Sanctorum 1001

ACTA CONGREGATIONUM

CONGREGATIO DE CAUSIS SANCTORUM

MESSANENSIS - LIPARENSIS - SANCTAE LUCIAE

Beatificationis et Canonizationis Ven. Servi Dei Antonii Franco Praelati Ordinarii

Sanctae Luciae (1585-1626)

DECRETUM SUPER MIRACULO

Ven. Servus Dei Antonius Franco die 26 mensis Septembris anno 1585

Neapoli e familia bene de rebus domesticis constituta et pietate dedita natus

est. Adulescens fuit singularis ingenii, qua re ante tempus humanitatis studia

persecutus est et vix decem et septimum annum aetatis agens, in utroque

iure doctor iuxta Neapolitanam Universitatem renuntiatus est. Eademque

aetate tonsuratus. Brevi tempore Romae intercedente ad doctrinae et re-

ligiositatis maius incrementum, ille sacerdos ordinatus est. Cum Hispaniae

Rex eum principis domus cappellanum nominavit, Matritum commigravit.

Anno 1617 Sanctae Luciae de Plano Milatii in Sicilia praesul nominatus est.

Omnibus in officis et vitae necessitatibus semper optime et exemplariter se

gessit. Sincera fide ministerii sui munera confecit et singulari modo quae

ad sacramenta administranda et ad pauperes et infirmos corpore et animo

suppeditandos pertinebant, sic manifesto progrediens in constantem animae

perfectionem, verus igitur vir Dei, pastor sedulus et indefessus evangelii prae-

dicator extitit. Obsequio et observantia decretorum Concilii Tridentini dili-

gentissimam proposuit renovationem Ecclesiae institutionum, curans prae-

sertim sacerdotum institutionem, doctrinae christianae disciplinam, populi

rectam pietatem contra superstitionem. Nec labori nec viribus pepercit

ut cives, qui cura sua essent, more et animo erigerentur, eximiam civilem

humanitatem ac prudentiam ostendit et rigida decreta contra feneratores

promulgavit. Die 2 mensis Septembris anno 1626 Servus Dei aequo animo