Congregatio de Causis Sanctorum 317

non propositum validum excitare cupiebat « pro Christianitate quae esset

exemplum et via in beneficium societatis graviter aegrotantis ». Ut deside-

rium adimpleretur universum orbem Christo lucrandi, iuvenes hortabatur

ut vitam gererent in actu peregrinandi, « ut iuvenes scilicet, Christi vestigia

prementes ac Mariae manibus suffulti, viam pergerent in Domum Patris ex

opere Spiritus Sancti ».

Hispanico bello grassante annis 1936-1939, Emmanuel, Burgi commo-

rans, consilium cepit iuvenes contingendi, et eos, qui in primam aciem ver-

sabantur, in Centra Diffusionis congregandi. Uti efficaci huiusmodi instru-

mento utebatur ephemeride cui titulus SIGNO, quam ipse Matriti instituerat.

Ex hoc pulpito omnes iugiter concitabat ut christianam vitam tamquam

peregrinantes ducerent. Pariter condidit « Opus Assistentiae Catholicae pro

vulnerato », et excogitavit Collegium Visitatorum ope mutilatorum. Prospi-

ciens insuper iuvenibus in castris et in vinculis degentibus, ordinavit et pro-

vexit « Apostolatum Castrensem » ad opus intra muros carcerum exercendum.

Servus Dei apostolatum cum professionali opere temperare consueverat.

Anno 1939 obtulerunt illi munus Curatoris Generalis Portoriorum, quod

respuit proposito compulsus Seminarium ingrediendi. Quamobrem mense

Octobri anno 1941 renuntiavit quoque muneri Praesidis Nationalis Actionis

Catholicae. Tamquam apostolatus methodum Emmanuel praeoptavit « Cur-

sus praeparationis peregrinantium » quos ipsemet anno 1940 instituerat ut

iuvenes spiritualiter duceret ad magnam illam peregrinationem in Sanctua-

rium Sancti Iacobi Compostellani; quam, plurimis superatis difficultatibus,

mense Augusto anno 1948 coram centum milibus iuvenum adstantium ad

effectum deduxit.

Sacro presbyteratus ordine die 31 mensis Maii anno 1947 est insigni-

tus, seligens lemma sacerdotii sui « Sitio » et effatum paulinum: « Adimpleo,

ea quae desunt passionum Christi in carne mea pro corpore eius, quod est

Ecclesia » ( Col 1, 24). Hae quidem fuerunt sententiae quas ipse in calicem

primi sui Sacrificii Eucharistici incidi iussit. Theologicam institutionem

perficere cupiens, statim suum nomen dedit Pontificiae Studiorum Univer-

sitati Salmanticensi, commorans apud Collegium Maius sacerdotale "Jaime

Balmes", cuius fuit Rector simulque curator vocationum pro adultis. Die

31 mensis Maii anno 1950 nominatus est Consiliarius Nationalis Iuvenum

Actionis Catholicae (JAC).