sig. 46.

Qualiter uno modo solvuntur spiritus in aquam ?

Solvuntur etiam spiritus duobus modis : uno modo docui cum oleo tartari, sed post septimam congelationem debet poni super lapidem marmoreum in cellarium valde humidum, ita ut inclinatus sit lapis, ut quidquid resolvent, statim descendat in vas vitreum superpositum.

Solvuntur alio modo spiritus in aquam, scilicet per aquam salis armoniaci, quae, sic fit : Pone ipsum, vel quemcumque alium salem praeparatum super lapidem in foveam resolutionis, vel in cellarium vitreum, et statim resolvitur in aquam : cum hac aqua pulveres sublimatos solvendos tere. Hoc nota, quod postquam sublimatus fuerit mercurius, numquam misceri debet cum aliquo liquore, nisi cum aqua salis communis, vel armoniaci, vel oleo tartari. Tere ergo pulverem cum hac aqua septies, et toties desicca : postea pone pulverem tritum super lapidem, et sine dubio cito solvetur in aquam, quam reserva ad distillandum : corpora vero calcinata eodem modo solvuntur ut spiritus, scilicet flos aeris, et flos atramenti, de quibus per omnia ut de spiritibus est faciendum, et quemlibet per se ad distillandum.

Additiones. Rursum (ad, capitis principium refer hoc) ad omnem solutionem sal erit necessarium.

Rasis. Oleum aquilae sic fit: Recipe libram unam salis armoniaci, et mole super lapidem cum urina quantum sufficit ad modum pastae : tunc fac stratum primo de calce communi, secundo de sale armoniaco, tertio de calce: et super salem pone calcem ovorum in parva quantitate, et ad ignem pone fundendum, et cum fusum fuerit, depone ab igne, et super lapidem pone, et dissolve oleum infra quatuor dies, et pone in vase vitreo et serva. Aliqui impastant sal armoniacum, albumen ovi et calcem, faciunt pomum, et lutant, desiccant, et figunt in igne. Argentum vero vivum numquam solvitur, donec super ipsum ingrediatur sal bonus, desiccatus, aut tritus, aut al 1.ali, et exstingue ipsum septies, et postea vivifica ipsum cum

aqua calida, et tunc solve ipsum : et nisi ita feceris, non solvetur :

Rasis. Sumatur aqua salis armoniaci sublimati ter vel quater, et imbibatur mercurius sublimatus ex hac aqua paulatim et paulatim, et post quamlibet imbibitionem desicca ad solem, vel ad ignem debilem: post claude os vasis firmiter, et pone in finio, et stet ibi septem diebus : quod si non sit solutum, renova limum per septeni dies, donec sit aqua clara.

Oleum ad inceraridum: Recipe salis armoniaci, salis communis ana partem unam, et duas partes calcis vivae non exstinctae: cum pauco sugminis porci, et in vase vitreo pone et distilla ad lentum ignem : et quando completa est distillatio, iterum repone ad distillandum, et hoc ter : et hoc est oleum album ad lacerandum elixir, et ad dulcificandum seu mollificandum calces metallorum, et omnia quae serviunt ad opus album: sed hoc non debet hic esse.

Aqua mercurii fit ad unam unciam mercurii cum duabus unciis aquae fortis, facta de duabus partibus aluminis puta jameni, et altera parte salis petrae. Aliter sic fit: Coagula mercurium sublimatum fundendo septies aut octies stannum bulliens super ipsum, qualibet vice cooperiendo crucibulum, ne fumus exeat, .et efficitur nigrum, aut coloris olei: deinde tere optime super marmor cum pauco aquae salis armoniaci, et pone in limo : et cum solutum fuerit distilla, aut per filtrum, aut distillatorio : et cum hac aqua fit elixir cum calce Lunae, et arsenio sublimato, et oleo albo Philosophorum. Sulphuris dissolutio : Accipe mundati libram unam albi amizadir (sublimati), tantumdem aceti candidi sublimati, quod quinque partibus sulphuris sit aequale, in coeno ponatur, transmutando semper die tertio.

Rasis. Habes ad longum in Aristotele de Perfectione, in capitulo separationis sulphuris : Amizadir partem unam.

spumae marinae partes tres, duas salis, urinae partem unam, tere, cribra, in cucurbita repone, adjecto vivo argento quod satis est: deinde quoque leve et spaciosum adhibito incendium: quum candida manaverit aqua, ipsam operi, necessariam serva : inhumatio semper necessaria : coenum quoque ad quatuor dies transmutandum, donec quod quaeris ad oculum deprehendas. Sed puto istud Rasim dixisse corporis dissolutionem faciendam pro majori opere: ergo nota. Mercurius secundo vel tertio distillatus ab alumine jameni vel rochae solvitur per se ipsum super marmor in loco rorido vel humido : et melius credo si cum crudo poneretur.