47. De sancto Augustino.

In 1. Vesperis.
Super Psalmos.
A. Sancte pater Augustine,
Nobis confer medicinae

Coelestis auxilium,
Ut ad hierarchiae trinae
Arcem tuae per doctrinae
Tendamus vestigium.

R. Salve, gemma sacerdotum,
Salve, decus praesulum,
Audi vota et devotum
Gregis tui populum,
A peccati labe lotum
Duc ad vitae speculum.
V. Doctor veri, ductor cleri,
Gregis tui sedulas

Audi preces, terge faeces
Peccati et nebulas.

Ad Magnificat
A. Magnificet Dominum,
Ipsum patrem luminum.

Omnis creatura,
Qui per suum famulum
Fidum, sagum, sedulum

In sacra scriptura,
Nos dignatur pascere
Dans cibum In tempore

Tritici mensura.

Ad Matutinum.
Invitatnrium.
Exsultantes jubilemus

Deo, regi gloriae,

Augustini laudes demus

Devotas memoriae.

In 1. Nocturno.
Antiphonae.
1. Augustinus, vir beatus,
Christi legem meditatus
Fructum dat justitiae
Instar ligni Irrigati,
Rore coeli complantati
Secus aquas gratiae.
2. Constitutus super montem
Sion Christi praedieator,
Duxit vitam hic Insontem
Verus fidei zelator.
3. Hic dum fidem tribularent
Multi et hanc Impugnarent

Errorum fallacia,
Dentes contrivit eorum,
Molas frangens peccatorum
Dei fultus gratia.
Eesponsoria.
1. Deus, qui perpetua

Mundum ratione regit.
Sanctum sua gratia

Augustinum praeelegit.
Per quem In ecclesia
Plurima Insignia
Magnaque peregit,

V. Hic est vas electionis.
In hunc benedictionis
Dei donum se collegit.
2. Augustinus mirifico
Puer pollens Ingenio
Prudentia vigebat,
Dono Dei magnifico
Major majorum senio
Scientia crescebat:
V. Annorum aevo juvenis,
Animo vir, Instar senis
Sensu senes vincebat.
3. Adolescens strenuus,
Professor conspicuus

Septemplicis sophiae.
Ejus In gymnasiis
Fulsit nactus studiis
Fastigium archiae:
V. Gloriose docuit,
Longe late claruit
Gemina philosophiae.

In 2. Nocturno.
Antipliouae.

1. Exaudivit Invocantem

Hunc Deus justitiae
Consolando exsulantem

In valle miseriae,

Tuitus sui lumine
Signando exsultantem.
2. Scuto bonae voluntatis
Tuae, Deus majestatis,

Sanctum tuum coronasti
Benedicens justo donis
Tuae benedictionis.

Quibus Ipsum sublimasti

Et ditasti
Dextrae tuae donis.
3. Nomen tuum, Domine.

Mirabile probatur,
Quod tuo In homine

Miranda operatur,
Augustino tribuens

Gloriam et honorem,
Verbis ejus destruens

Tam hostem quam ultorem.

Responsoria.
1. Piac matris pia vota
Deus pius exaudivit,
Quae salutem nati tota
Flagrans mente concupivit;
V. Quem carne pepererat,
Mente parturivit,
Cui Deus non dederat
Dans, quod flens petivit.
2. Audit Ille praedicantem
Praesulem Ambrosium,
Virum stupens elegantem

Verbis et egregium,
Gemit deflens se peccantem
Hactenus et Impium.
V. Dei tactus gratia

Sacrum per eloquium
Mundana solatia
Respuit et gaudium.
3. Adhuc catechumenus,
Quo praecepit Dominus,

Ritu baptizatur,
Sacro plenus flamine
Toto mox conamine
In Christum mutatur.
V. Veterem jam penitus
Hominem exutus.
Mutatus divinitus
Novum est Indutus.

In 3. Nocturno.
Antiplionae.
1. Dum pararent In obscuro

Peccatores jacula,
Zelo multis profuturo

Exarsit ut facula
Hic vir docens veritatem
Et confutans falsitatem,

Cujus vultus diligens
Vidit aequitatem.
2. O Dei vernaculum,
Cujus habitaculum

Intrans sine tabe
Corde, ore, opere
Sategit proficere
Et In Dei scandere

Montem sine labe.

3. Deus, tua In virtute
Certus sua de salute

Sanctus sic laetatur,
Signum sui praemii
Lapidis eximii

Cui corona datur.

Responsoria,
1. In divino opere
Sategit proficere

Ad culmen sanctitatis,
Fortis athleta Dei,
Fortis tiro fidei
Et doctor veritatis.
V. Cunctas per dioeceses
Exstirpavit haereses,
Radices falsitatis.

2. Vitae vernans sanctitate,
Verbi fulgens veritate

Ad cathedram attollitur,
Praesulatus dignitatem
Decorans per sanctitatem,
Pastor bonus cognoscitur.
V, Pascens gregem, ut per legem
Hunc ad regem

Christum perducat, nititur.

3. Decurso mundi stadio
Nunc fruens coeli bravio,

O Doctor veritatis,
Expleto hoc exsilio
Fac nos frui palatio
Coelorum cum beatis,
V. Innitentes vestigio
Tuo aeternae radio
Conjunge claritatis.

Ad Laudes.
Antiphonae.
1. Collaudantes Augustinum
Laudes demus sedulas,
Qui ut sidus matutinum
Fulsit Inter nebulas.

2. Ab augendo recte dictus
Augustinus creditur,
Dextra Dei benedictus
Auctus non minuitur.

3. Auctus Dei gratia

Crevit In Immensum,
Plenas sapientia
Carnis vicit sensum.

4. Grandis factus grandium
Cibo est cibatus
Et mutari nescium
In Ipsum mutatus.

5. Doctor veri, ductor cleri,
Norma aequitatis,
Nos post fatum duc ad statum
Summae caritatis.

Ad Benedictus.

A. Iste Dei famulus
Prudens et fidelis

Directis feliciter

Hujus vitae velis
Intravit In gaudium

Domini In caelis,
Benedictus Dominus

Deus Israelis.

In 2. Vesperis.
Ad Magnificat.
A. Augustine, disciplinae
Norma, clericorum
Institutor, persecutor

Pervigil errorum,
Sectae vanae et vesanae

Fac vitare chorum
Tuum gregem et ad regem
Perduc angelorum.