Acta Apostolicae Sedis - Commentarium Officiale880

ACTA CONGREGATIONUM

CONGREGATIO DE CAUSIS SANCTORUM

OXOMEN.

Beatificationis et canonizationis Ven. Servi Dei Ioannis de Palafox et Mendoza

Episcopi prius Angelopolitani, postea Oxomensis (1600-1659)

DECRETUM SUPER VIRTUTIBUS

« Omnibus omnia factus sum, ut aliquos utique facerem salvos.

Omnia autem facio propter evangelium, ut comparticeps eius efficiar »

(1 Cor 9, 22-23).

Haec Divi Pauli verba illustrem virum illum describunt, qui vitae sancti-

monia heroica, qui altitudine doctrinae, qui splendore eloquentiae, qui zelo

salutis animarum ferventissimo, qui prudentia eximia, qui humilitate maxi-

ma, qui paupertate et interiore et externa propemodum admirabili, qui pro

tuendis Ecclesiae iuribus ac pro domo Israel cor quasi aereum in vase fictili

continenter et ad mortem usque gessit; qui denique igne divinae caritatis

perpetuo incensus omnium virtutum formam unico fine placendi Deo, post-

habita etiam abrenuntiataque ex formula quavis creaturarum satisfactione,

in se ad miraculum expressit, et qui huic saeculo, a labore ad voluptates

proclivi, Apostolicorum temporum sanctitatem ac primaevae Ecclesiae ima-

ginem exhibet imitandam.

Fiteri in regno Navarrae in Hispania die 24 Iunii, Divo Ioanni Baptistae

sacro, Ven. Ioannes ortus est anno 1600. Patrem habuit Iacobum de Palafox,

Arizae in Aragonia Marchionem, virum ingenuis moribus praeditum, catho-

licum, divitem et avito sanguine illustrem; matrem vero Annam de Casanate,

ex aequo ac Iacobum nobilem et catholicam, quae, cum Ven. Ioannem enixa

est, rerum humanarum exilitatem atque instabilitatem animo considerans,

bona sua omnia posthabens, genitoribus utenda ac fruenda reliquit, et