Acta Apostolicae Sedis - Commentarium Officiale728

quaero, hoc totis medullis cordis facere concupisco'' ».167 Sancta Clara Assi-

siensis plene sequitur S. Francisci experientiam: « Forma vitae Ordinis Soro-

rum Pauperum - scribit - haec est: Domini nostri Iesu Christi sanctum

Evangelium observare ».168 Sanctus Dominicus Guzman autem « ubique se

manifestabat tamquam vir evangelicus, in verbis et operibus » 169 ac tales

voluit etiam suos fratres praedicatores esse « viros evangelicos ».170 Sancta

Teresia a Iesu, Carmelitis, quae in suis scriptis iugiter recurrit ad biblicas

imagines ad suam explicandam mysticam experientiam, memorat ipsum

Iesum sibi id revelasse: « Omne malum mundi oritur ex hoc quia clare non

cognoscuntur veritates sacrae Scripturae ».171 Sancta Teresia a Iesu Infante

reperit Amorem tamquam suam personalem vocationem Scripturas perscru-

tando, praesertim capita XII et XIII Primae Epistulae ad Corinthios; 172 ipsamet

sancta attractionem Scripturarum ita describit: « Vix inspiciam Evangelium,

statim odores respiro vitae Iesu et scio quo curram ».173 Quisque sanctus veluti

luminis radium est quod ex Dei Verbo oritur: sic insuper de sancto Ignatio de

Loyola cogitamus in eius investigatione veritatis inque spiritali discrimine; de

sancto Ioanne Bosco in passione pro iuvenum educatione; de sancto Ioanne

Maria Vianney in conscientia magnitudinis sacerdotii veluti doni et muneris;

de sancto Pio de Pietrelcina in officio instrumenti divinae misericordiae; de

sancto Iosepho-Maria Escrivá in praedicatione de universali vocatione ad

sanctitatem; de beata Teresia Calcuttiensi, missionaria Dei Caritatis erga

ultimos, deque ceteris usque ad martyres regiminum nazistarum et commu-

nistarum, inter quos inveniuntur una ex parte sancta Teresia Benedicta

a Cruce (Edith Stein), monacha carmelitis, altera autem ex parte beatus

Aloisius Stepinac, cardinalis et archiepiscopus Zagrebiensis.

49. Sanctitas, Verbo Dei considerato, inseritur ita quodammodo in

traditionem propheticam, in qua Verbum Dei in servitium assumit vitam

ipsam prophetae. Hoc sensu sanctitas in Ecclesia constituit hermeneuticam

Scripturae, quam nemini licet praetermittere. Spiritus Sanctus qui sacros

auctores inspiravit, ipse est qui sanctos movet ut vitam tradant pro

167 Thomas de Celano, Vita prima S. Francisci, IX, 22. 168 Regula, I, 1-2. 169 B. Iordanus de Saxonia, Libellus de principiis Ordinis Praedicatorum, 104: Monumenta

Fratrum Praedicatorum Historica, Romae 1935, 16, p. 75. 170 Ordo Fratrum Praedicatorum, Primae Constitutiones seu Consuetudines, II, XXXI. 171 Vita 40, 1. 172 Cfr. Historia animae, Ms B, 3rº. 173 Ibid., Ms C, 35vº.