358 Acta Apostolicae Sedis - Commentarium Officiale

est amor prae omnibus. Nonnumquam admiramur, exempli gratia, modum

agendi illorum qui a coniuge separari debuerunt ut a violentia corporis

protegerentur, et, tamen, ob caritatem coniugalem quae studet animi sensus

praetergredi, agere evaluerunt pro eius bono, quamvis per alios, temporibus

morbi, doloris vel difficultatum. Etiam hic nihilominus est amor.

in caritatE coniugali progrEdiEndum

120. Hymnus sancti Pauli, quem perscrutati sumus, opportunitatem nobis

dat ad caritatem coniugalem transeundi. Ea est in sponsis vis unitiva,115 sancti-

ficata, aucta et gratia sacramenti matrimonii illuminata. Est « unio affectus »,116

spiritalis et oblativa, quae tamen in se ipsa teneritatem colligit amicitiae et

cupiditatem eroticam, licet perdurare valeat etiam cum animi affectiones et

cupido extenuantur. Papa Pius XI sic docuit: eiusmodi amor omnia munera

vitae coniugalis penetrat atque « quemdam tenet principatum nobilitatis ».117

Revera, eiusmodi flagrans amor, a Spiritu Sancto effusus, imago est Foederis

indissolubilis inter Christum et humanum genus, quod fastigium suum in do-

natione summa obtinuit, in cruce: « Spiritus autem, quem Dominus effundit,

cor novum largitur aptosque facit virum ac mulierem ad se amandos, quemad-

modum nos Christus amavit. Coniugalis amor illam attingit plenitudinem, ad

quam intrinsecus ordinatur, caritatem scilicet coniugalem ».118

121. Matrimonium signum est pretiosum, quia « cum vir et mulier sa-

cramentum Matrimonii celebrant, Deus, ut ita dicamus, in eis se "contem-

platur", in eis propria lineamenta imprimit atque indelebilem sui amoris

notam. Matrimonium imago est amoris Dei erga nos. Etiam Deus revera

communio est: tres Personae Patris, Filii et Spiritus Sancti semper et in

perpetuum vivunt perfecta in unitate. Hoc est revera Matrimonii myste-

rium: Deus e duobus sponsis unam facit existentiam ».119 Hoc consecutiones

percertas et cotidianas secum fert, quia coniuges, « vi Sacramenti, vera et

propria induuntur missione, ut visibilem valeant reddere, a rebus minimis,

ordinariis initium capientes, amorem quo Christus suam amat Ecclesiam,

pergens vitam pro ea donare ».120

115 Sanctus Thomas Aquinas vocat amorem veluti « vim unitivam » ( Summa Theologiae I, q. 20, a. 1, ad 3), sententiam recolens ps.-Dionysii Areopagitae, De divinis nominibus, IV, 12: PG 3, 709.

116 tHomaS aquinaS, Summa Theologiae II-II, q. 27, a. 2. 117 Litt. Enc. Casti connubii (31 Decembris 1930): AAS 22 (1930), 547-548. 118 ioannES pauluS ii, Adhort. Ap. Familiaris consortio (22 Novembris 1981), 13, AAS 74 (1982), 94. 119 Catechesis (2 Aprilis 2014); L'Osservatore Romano, 3 Aprilis 2014, p. 8. 120 Ibid.