CAPUT XL De rore.

Consequenter dicendum est de rore, qui habet aliquid simile cum pluvia, et de pruina, quae habet aliquid simile cum nive. Generatio Igitur roris est ex vapore grossiori quam pluvia, et minus calido, eo quod habet aliquid terrestre admixtum, et Ideo non elevatur nisi parum, et non fit in tempore magni caumatis, nec in tempore magni frigoris. Et fit hujus conversio juxta terram quandoque ad altitudinem unius cubiti, vel palmi, vel turris, vel hujusmodi. Fit enim conversio hujus vaporis dupliciter, scilicet per se, et per accidens. Per se fit frigore aeris in nocte, quando non est reflexio luminis in ipso aere a sole : et ideo etiam quia parvi humoris est, cito consumitur a sole. Alia est conversio ipsius ex resolutione multi vaporis in seipsum, vel ad aliquid reflectens ipsum, sicut patet in olla cooperta, ubi reflexus fumus generat aquam : et sicut patet In instrumento in quo fit aqua roseacea. Unde cum coenatur sero in era-

mine, scilicet in crepusculo vespertino, fit roratio sub mensa ad reflexionem vaporis ad mensam.