48. De sancta Barbara.

In 1. Vesperis.

Antiplionae.

1. Jubiletur orbis gyrus

Amoena fundens cantica,

Cum de throno fulgens kyrus,
Propinans dona coelica,

Rosam sibi desponsavit.

Quam In monte coronavit
Aureo antidoto.

2. Aureo splendore

Poma legit punica,
Bysseo decore

Sponso tulit unica,
Quae In sinu redolebant
Et unguenta excellebant

Virtutum ex poinerio.

3. Haec in prima juventute
Castitatis
Florem foverat,
Gaudens serena virtute
Puritatis

Rivum noverat.

4. Odor aromaticus
Ore respirabat,

Amor nardi pisticus

Corda inflammabat.
Tuitus lunaris
Mundo solaris

Paganismo floruit.
5. Nata de stirpe gentilica

Fidei oleum sumpserat,
Ardens lampade angelica

Thesaurum sponsi dilexerat,
In gazophylacio
Fundens spem cum pretio.

R. O sol eclipsim nesciens,

Castitate figurans,
Tu rivus indeficiens.

Caritate designans.
Pincerna favum tribuens

Mundo demonstrans.
Nectar divinum largiens

Aegris adaptans.
V. ''Adstitit regina a dexteris tuis
in vestitu deaurate circumdata
varietate.''

Ad Magnificat.
A. Rosa de spinis floruit
Cinnamomum germinando,

Erroris umbram abluit
Stolam sponso propinando,
Virtutis veste claruit
Simulacra respuendo,
Cancellos trinos posuit
Trinitatem contestando.
Salomonis thronus

te signavit,
Solus chorus solis

te beavit
Corona patientiae
Manu sapientiae.

Ad Matutinum.
Iirvitatorium.
Exsultemus hymnizantes
Festum rite venerantes,
Quo beata Barbara
Regnat super aethera.

In 1. Nocturno.
Antiphonae.
1. Virgo rore Irrigata

Fidei rivum hauserat,
Coram agno baptizata
Errorem patris spreverat.

2. In divis oraculis
Corpus maceravit
Et Immensis miraculis
Vita corruscavit.
8. Rationis eloquentia

Verbum patris obumbrabat,
Salomonis sapientia

Cor duratum fulminabat.

Responsoria.
1. Germen justum non adustum
Terram siccam irroravit,
Spinas binas non divinas
Rosa prosa exstirpavit,
Dans muscatum praeamatum

Ex amoris stipite,
Dicens patri nec non praesidi:
Ex hoc fonte bibite.
V. Venite jucundanter,
Credite confidenter,
Hic est salus gentium.

2. In furore non amore
Tumor patris tonuit,
Hanc acerbis nimis verbis

Apostatae monuit,
Sed a sponso subarrhata,
Scuto morum praearmata
Artus partus renuit.
V. Ex mente columbina
Fluit lex divina

Memorem patri generans.
3. Nocturna tempestate
Lux In nube claruit,
Amoena suavitate

Cherubim apparuit.
Puellam divinis
In caminis

Flamma confortavit,
Quam pater flagellis
Non tenellis
Dire cruciavit.
V. Malleo et Incude

Cordis petram humectavit,
Fundamenta lucide
Margaritis fabricavit.

In 2. Nocturno.
Antiphonae.

1. In decore et fulgore
Praeses admiratur,
A furore genitoris
Nympha praesentatur.
2. Suasit praeses fide deses
Hoc Falernum
Ut amaret et mutaret

Cor paternum,
Ne corpus ferris caederet.

3. Beata refutabat
Verba et probabat
Deum solum esse,
In cujus messe

Gentiles non existerent.

Responsoria.

1. Auriga voluptatum

Ducens currum Inquinatum
Rosam fecit macerari,

Nervos tauris prorogari
Et lucernis concremari,

Post hoc clari ergastulo.
V. Auram bibit tunc amaram,
Mentem vexit haec avaram

Legendo pira coelica.
2. Radix medicinae

Medelam rosae fluxerat,
Mane repentine

Cum ad tribunal pergerat,
Patrem angelorum

Cum argumentis affirmavit,
Qui unguentis cuclorum

Hanc odore satiavit:
Quod praeses diis signavit

Hoc sacris Improbavit.
V. Rosa mitis

Goliam excaecavit,
Verbi vitis

Scripturis abundavit.
3. Eos mugire et rugire
Cepit cum fulgore
Cordis et dolore
Tradens puellam
Mundi stellam

In carne lacera
Mamillis spoliari
Et tormentis flagellari
Vestimentis denudari
Et post ad locum
Patri notum

Ense decollari.
V. In claro bysso tegitur.
Cum sponsus Imploratur,
Conductu luctu vehitur,
A patre decollatur.

In 3. Nocturno
Antiplionae.
1. Aurora turrem scandidit
A patre cursitando,
Amoena verba pandidit
Christum Invocando.
2. Rex acumen Inclinavit
Illaesa permanente,
Post ad locum ambulavit
Patre nesciente.

3. Ex ore pastor

vernam publicavit
Pro quo oves rex prostravit,
Ut artem arte vinceret.

Responria.

1. Hamo delicato

Unicornum per nocturnum

Caste attemptavit.
Horto paleato
Per odorem cordis florem

Sponsum agitavit,
Qui cum honore et decore
Ad coenam agni veram

Sponsam Invitavit.
V. Ach, pincerna, da Falerna,
Ad tabernam te lucernam

Hospes collocavit.

2. Ex nube fulmen jacuit

Jove corruscante,
Et Kain vilis tangitur

Igne comburente,
Samsonis caput cingitur

Poena gehennali,
Susanna mitis pungitur

Vultu virginali,
In throno serto cingitur

Flore festivali.
V, David Sebad. decollavit
Abysai Sunamitem

Adamavit.

3. Nardus temperantiae,
Lecythum fundens gratiae,
Rosa patientiae,
Amicta solis facie,
Nutrimentum castitatis,
Firmamentum Sanctitatis,
Harmonia purpuratis
Et sophia trinitatis,
Squammas cordis ablue,
Ramos morum insere,
Hospitia tu mundare,
Ut corpus Christi habitare
In nobis possit ad extre-
mum ;
Da gaudia nunc et In aevum.

V. Juniperus amoris

Christum fructu satiasti,
Paradisus dulcoris
Voluptatem procreasti.

Ad Laudes.
Antiphotiae.

1. Rubra veste claruit
Virgo gratiosa,
Testa patris aruit
Felle tumorosa.

2. In agone petivisti

Dona implorantibus,
Corpus Jesu Christi
Corde te amantibus;

3. Cum rerum abundantia
Vitae sanitatem
Et frugum opulentia
Amorum honestatem.

4. Et ut nullus veste nudus
Condemnetur neque spolietur,
Qui recordatur et miratur
De tuis diris verberibus.

5. Factor sponsam consolatur,
Verbis mitis hanc affatur:
Veni, dilecta, praelecta,
Verba tua sunt perfecta.

In 2. Vesperis.

R. Ave mente seraphina
Medelam aegris tribuens,
Amoris adamantina
Corda petrosa molliens,
Ebur candens castitate,
Margarita puritate,
Ut regem digne invitares
Et amanter pertractares,
Cinnamomo, cardamomo
Escas condidisti,
Cum muscatis praeamatis
Nectar miscuisti
Cordis ex cellario.

V. Cum amoenis symphoniis
Et divinis harmoniis
Mensae delicias
Sponso tribuisti.

Ad Magnificat.

A. Coeli jubar corruscavit
Sponsam mite conducendo,
Quam In throno coronavit
Matri suae committendo ;
Coram agno, patre magno
Lucis hymnizando,
Impetrare et rogare
Fontem largiendo,
Ut de rivis fontis vivis
Possimus Inebriari.
Et aeternis sine guerris
Sertis coronari.