Acta Benedicti Pp. XVI 729

Evangelio. Ingredi in eorum scholam constituit certam viam ad suscipiendam

hermeneuticam vivam et efficacem Verbi Dei.

Huius nexus inter Verbum Dei et sanctitatem testificationem habuimus

XII Coetus Synodi tempore, cum die XII mensis Octobris in Foro Petriano

peracta est canonizatio quattuor beatorum: presbyteri Caietani Errico,

fundatoris Congregationis Missionariorum a Sacris Cordibus Iesu et Mariae;

Matris Mariae Bernardae Bütler, quae orta est in Helvetia et missionaria fuit

in Aequatoria et Columbia; sororis Alfonsae ab Immaculata Conceptione,

quae est prima canonizata sancta orta in India; iuvenis laicae Aequatorianae

Narcissae a Iesu Martillo Morán. Sua vita ipsi mundo et Ecclesiae testimo-

nium reddiderunt perennis fecunditatis Evangelii Christi. Dominum depre-

cemur ut per horum sanctorum intercessionem, qui sunt canonizati ipso

tempore Coetus synodalis de Verbo Dei, vita nostra sit haec « terra bona »,

in qua divinus Seminator semen spargere possit Verbi ut afferat in nobis

fructus sanctitatis, « unum triginta et unum sexaginta et unum centum »

(Mc 4, 20).

SECUNDA PARS

VERBUM IN ECCLESIA

«Quotquot autem acceperunt eum,

dedit eis potestatem filios Dei fieri » (Io 1, 12)

Verbum Dei et Ecclesia

Ecclesia accipit Verbum

50. Dominus annuntiat Verbum suum, ut accipiatur ab his qui creati

sunt « per » idem Verbum. « In propria venit » (Io 1, 11): Verbum igitur ex

origine non est nobis alienum atque creatio optata est in familiari necessitu-

dine cum vita divina. Prologus quarti Evangelii nos collocat etiam ante

repudiationem erga divinum Verbum ex parte « suorum » qui « eum non rece-

perunt » (Io 1, 11). Eum non recipere significat eius vocem non audire, Logo

non conformari. Ubi autem homo, etiamsi infirmus et peccator, occursui cum

Christo sincere se aperit, radicitus incohat transformationem: « Quotquot

autem acceperunt eum, dedit eis potestatem filios Dei fieri » (Io 1, 12). Acci-

pere Verbum significat sinere se ab Ipso plasmari, ita ut, per Spiritus Sancti