12. De Stigmatibus s. Francisci.
13. De Stigmatibus s. Francisci.
29. In Translatione s. Hedwigis.
51. In Decollatione s. Iohannis B.
53. De s. Iohanne ante Portam Latinam.
54. De sancto Iohanne ante Portam Latinam.
55. De Reversione s. Iohannis.
56. De s. Iohanne Chrysostomo.
57. De s. Iohanne Clusoniensi.
58. De s. Iohanne Eleemosynario.
75. De s. Katharina de Suecia.
In 1. Vesperis.
Antiphonae.
1. O Ioachim laudabilis
Et Anna venerabilis,
Praesens nostra laudatio
Sit vobis supplicatio,
Ut per vos liberemur
A malis et salvemur.
2. Hi res suas, quas habebant,
In tres partes dividebant,
Templo, sibi, pauperibus
Rectis divisionibus,
Bonis oblationibus.
3. Sic Deo sancte vixerunt,
Prole tamen caruerunt
Per annos quasi bis denos,
Ob hoc sibi luctu plenos.
4. Hi a sacerdotibus
Ob hoc obiurgati,
Quod fructum non fecerunt
Prolis deitati,
Sed a Dei angelo
Pie consolati
Sunt, quod natam gignerent,
Mundi salvatricem,
Nostram caram dominam,
Dei genetricem.
5. Hi promissionibus
Plene iucundati
Collaudabant Dominum,
Et ut pietati
Suae nos concilient,
Ipsi sunt rogati.
Ad Magnificat.
A. Avete et salvemini,
Gaudete et laetamini,
Orti de radice lesse,
Felices parentes Mariae,
Ioachim et Anna,
Post longam sterilitatem
Sancto angelo vobis
Promittente fecundationem
Ex vobis prodiit virga
Virgo dulcissima Maria,
Quae sola sustentat
Nostrae miseriae ruinam.
Celebrantibus ergo
Vestri memoriam
Nobis impetrate gratiam
Et misericordiam.
Ad Matutinum.
In 2. Nocturno.
Invitatorium.
Deo cuncti iubilemus,
qui cuncta creavit,
Qui in caelis Ioachim
et Annam beavit.
In 1. Nocturno.
Antiphonae.
1. Parentes christiferae
Deo placuerunt,
Nam in eius legibus
Semper studuerunt.
2. Disciplinam tenuerunt,
Deo semper servierunt,
Bona summa meruerunt.
3. A Deo praecogniti
Sunt et praeamati,
Pio quoque Domini
Vultu praesignati.
Responsoria.
1. Felices felicibus
Sunt ex genitoribus
Ioachim et Anna,
Quorum nata dignior
Cunctisque beatior
Nobis dedit manna,
V. Nati regali
stirpe quoque pontificali.
2. Stirpe David clara
Ioachim, Ioseph generati,
Nobis divina
praestent modo dona rogati;
T. Hi sunt mirandi
virtutibus ac imitandi.
3. Inter plures natos David
Nathan numeratur,
Quo descendit Ioachim,
Quo Maria datur.
V. Stirpe sed ex Aaron
[descenderat] Anna beata.
Antiphonae.
1. Mane Deo astiterunt,
Bona cuncta didicerunt,
Et in his exercitati
Sunt in caelis collocati.
2. Domine, tu gloria
Magna coronasti
Parentes christiferae
Vereque beasti.
3. Parentes christiferae
Sunt immaculati
Verisque virtutibus
Valde decorati,
Hinc in tabernaculo
Dei collocati.
Responsoria.
1. Hi quidquid habuerunt
Et poterant habere,
In tria diviserunt
Et sic distribuere
Templo, sibi, pauperibus,
Istis divisionibus
Peroptime vixerunt.
V. Sancte vixerunt,
ut eos patres docuerunt.
2. Patriarcharum semine,
Prophetarum origine,
Regum atque pontificum
Genus vernat magnificum,
Unde virgo concipitur,
Quae Christi mater eligitur.
V. Nobilis et clara
stirps est Domino quoque
cara.
3. Stirps David atque Levi
plus digni, plus et amati,
Semper coniugia
fuerant miscere parati,
Hinc et cognati
fuerant quasi iure notati.
V. His Ioachim natus
fuit Anna Iosephque beatus.
In 3. Nocturno.
Antiphonae.
1. Sperantes in Domino
semper conservantur,
His et Deus adhaeret,
ne commoveantur.
2. Parentes christiferae
iustos atque rectos
Condecet laudatio
veluti perfectos.
3. De virtute in virtutem
Gressus direxerunt,
Dei matrem virginem
Tandem genuerunt.
Responsoria.
1. Per multos annos steriles
Hi duo permanserunt,
Hinc preces lamentabiles
Deo saepe fuderunt,
Per Dei tandem nuntium
Laetum sumpserunt nuntium
De sibi danda nata,
V. Quam matrem Christo gignerent,
Qua patefacta fierent
Nobis regna beata.
2. Regia stirps et pontificalis
lege vetusta
Sueti contrahere
fuere conubia iusta,
V. Ex his sunt nati
Ioseph atque Maria beata.
3. O beate Ioachim
Et Anna beata,
Laudes et servitia
Nostra Deo grata
Sint et vobis, petimus,
Atque postulata
Conferatis commoda
Regnaque beata.
V. Vos prece pulsamus,
ut salvemur[que] rogamus.
In Laudibus.
Antiphonae.
1. Dominus christiferae
Parentes decorem
Induit sanctissimae
Vitae dans nitorem.
2. Iubilemus Domino
Laete serviendo,
Mariae parentibus
Iuge congaudendo.
3. Deus in te sperantibus
Et ad te vigilantibus
Pro Mariae parentibus
Assis momentis omnibus.
i.
Deo nos benedicimus,
Quod Mariae parentibus
Virtutum dedit munera,
Qui nobis pacis foedera
Det atque regna supera
Per eorum precamina.
5. Deum collaudent omnia
Pro parentum memoria
Mariae, quorum precibus
Summis iungamur civibus.
Ad Benedictus.
A. Benedictus in aeternum
solus Deus omnium,
Qui suorum pia vota
suscipit fidelium,
Dum parentes theotocae
tales fecit, laudibus,
Iungeret et sociaret
ipsos summis civibus.
Per Horas.
Ad Primam.
A. Ioachim et Anna sunt
et erant beati
Viis suis omnibus
ut immaculati
Et Domino grati,
bona nunc precare parati.
Ad Tertiam.
A. Legem Dei retinebant
scriptam suis cordibus
Et se semper exercebant
in bonis operibus,
Hinc christiferam gignebant
nutricem fidelibus.
Ad Sextam.
A. Parentes christiferae
nunquam defecerunt,
In Dei complacitis
sed semper creverunt,
Hinc poterunt praestare suis
bona, quae modo quaerunt.
Ad Nonam.
A. Dei mirabilia
valde sunt scrutati
Et sic plene mentibus
sunt illuminati,
Quod et nobis ut fiat,
ipsi sint rogati,
Ut aeternis gaudiis
fruamur beati.
In 2. Vesperis.
Ad Magnificat.
A. Avete, sancti Ioachim
et Anna generosi,
Vos nos, qui vestris laudibus
nunc sumus studiosi,
Bonis ditetis omnibus
et sitis gratiosi,
Nobis et in auxiliis
per cuncta copiosi.