Acta Apostolicae Sedis - Commentarium Officiale730

virtutem, conformes efficiantur ad personam Christi, Filii « quasi Unigeniti a

Patre » (Io 1, 14). Initium est novae creationis, nascitur nova creatura, novus

populus. Credentes, videlicet qui in oboedientia vivunt fidei, « ex Deo nati

sunt » (Io 1, 13), participes efficiuntur vitae divinae: filii in Filio (cfr. Gal 4,

5-6; Rom 8, 14-17). Suggestive loquitur sanctus Augustinus, dum hunc locum

commentatur Evangelii Ioannis: « Iam enim factus es per Verbum, sed opor-

tet te refici per Verbum ».174 Hic vultum Ecclesiae videmus delineari tam-

quam rem definitam acceptatione Verbi Dei quod, dum caro factum est,

venit ut suum tabernaculum inter nos poneret (cfr. Io 1, 14). Haec Dei habitatio

inter homines, haec shekinah (cfr. Ex 26, 1), praefigurata in Vetere Testa-

mento, nunc adimpletur in definitiva Dei praesentia apud homines in Christo.

Identitas temporis Christi in Ecclesiae vita

51. Vinculum inter Christum, Verbum Patris, et Ecclesiam intellegi non

potest tamquam eventus simpliciter praeteritus, sed agitur de vitali relatione

in quam ut ingrediatur unusquisque fidelis personaliter vocatur. Nam loqui-

mur de praesentia Verbi Dei hodie inter nos: « Ecce ego vobiscum sum omni-

bus diebus usque ad consummationem saeculi » (Mt 28, 20). Sicut affirmavit

Summus Pontifex Ioannes Paulus II: « Identitas temporis Christi et hominis

cuiusvis aetatis fit in ipsius corpore, quod est Ecclesia: hac de causa Dominus

discipulis suis promisit Spiritum Sanctum, qui ''commemoraret'' eis eosque

doceret mandata sua (cfr. Io 14, 26), atque futurus esset principium saliens ad

novam in mundo vitam (cfr. Io 3, 5-8; Rom 8, 1-13) ».175 Constitutio dogmatica

Dei Verbum exprimit hoc mysterium biblicis vocabulis dialogi nuptialis:

« Deus, qui olim locutus est, sine intermissione cum dilecti Filii sui Sponsa

colloquitur, et Spiritus Sanctus, per quem viva vox Evangelii in Ecclesia, et

per ipsam in mundo resonat, credentes in omnem veritatem inducit, verbum-

que Christi in eis abundanter inhabitare facit (cfr. Col 3, 16) ».176

Christi Sponsa, magistra auditionis, hodie quoque fidenter iterat: « Loque-

re, Domine, quia audit te Ecclesia tua ».177 Quamobrem Constitutio dogmati-

ca Dei Verbum hisce incipit verbis: « Dei Verbum religiose audiens et fidenter

proclamans, Sacrosancta Synodus... ».178 Agitur enim de dynamica definitione

174 In Iohannis Evangelium Tractatus I, 12: PL 35, 1385. 175 Litt. enc. Veritatis splendor (6 Augusti 1993), 25: AAS 85 (1993), 1153. 176 Conc. Oecum. Vat. II, Const. dogm. de divina Revelatione Dei Verbum, 8. 177 Relatio post disceptationem, 11. 178 N. 1.