Acta Apostolicae Sedis - Commentarium Officiale512

CONGREGATIO DE CAUSIS SANCTORUM

VALENTINA

Beatificationis et Canonizationis Servi Dei Faustini Pérez-Manglano Magro,

Alumni ac Postulantis Societatis Mariae (1946-1963)

DECRETUM SUPER VIRTUTIBUS

« Scripsi vobis, adulescentes: Fortes estis, et verbum Dei in vobis manet »

(1 Io 2, 14).

Haec beati Ioannis apostoli verba adhuc hodierno die multorum in animis

iuvenum vigent, « qui spes sunt Ecclesiae » (Conc. Oec. Vat. II, Declaratio de

educatione christiana Gravissimum educationis, n. 2) et « ad perfectionem

sanctitatis qua Pater ipse perfectus est, sua quisque via, a Domino vocantur »

(Ib., Constitutio dogmatica de Ecclesia Lumen gentium, n. 11). Inter quos

eminet Servus Dei Faustinus Pérez-Manglano Magro, qui e vita concessit

paulo antequam Patres Sacrosancti Oecumenici Concilii Vaticani II declara-

tiones illas promulgarent, dum ultima pia sua exercitia spiritualia peragebat,

bimestre ante mortem, scribens: « Sanctitas est Deum diligere: quod autem

cum Maria valde expedit ».

Servus Dei Valentiae in Hispania die 4 mensis Augusti anno 1946 natus

est et die 25 ad sacramentum Baptismatis ductus est in ecclesiae paroeciali

Sancti Stephani protomartyris. Parentes Faustinus et Maria ab Incarnatione

more christiano educaverunt eum. Primam puerilem institutionem in Colle-

gio Lauretano Sororum a Sacra Familia recepit; inde Valentiae Collegium

Dominae Nostrae a Columna ingressus est, quod religiosi Societatis Mariae

dirigebant. Lucenti, ubi mater eius orta erat, Christum primum communica-

vit; deinde sacramentum Confirmationis apud Collegium Marianistarum

suscepit. Hoc tempore coram Beata Maria Virgine pietatis causa eam corona

mariali cotidie prosequi spopondit, quod totam per vitam perfideliter explens

profundam atque intimam consuetudinem cum Iesu et Maria est expertus.

Prae oculis omnium ordinaria iuvenis coaetanei conversatio vita eius vi-

debatur: propense ad maiora studebat, corporis exercitationes amabat, sicut

et excursiones per montes et natationes, aulas cinematographicas et fabulas.