1004 Acta Apostolicæ Sedis - Commentarium Officiale

GUADALAIARENSIS

Canonizationis Beatae Mariae Guadalupe (in saeculo: Anastasiae Guadalupe Gar-

cía Zavala), Confundatricis Ancillarum Sanctae Margaritae Mariae et Pauperum

(1878-1963)

DECRETUM SUPER MIRACULO

Beata Maria Guadalupe (in saec.: Anastasia Guadalupe García Zavala)

in oppido Zapopan ( Xalisci, Mexicana in natione) die 27 mensis Aprilis

anno 1878 nata est. Iam a pueritia magni amoris in pauperes et caritatis

in operibus, crebro aegrotos visitans, testimonium praebuit. Hac singulari

cura erga pauperos, vicesimum tertium annum aetatis agens, coacta est ut

sponsalia demitteret et se Domino omnino voveret. Una cum animarum edu-

catore, Servo Dei Patre Cypriano Iñiguez Martín del Campo, ad fundationem

novae religiosae Congregationis, scilicet Ancillarum S. Margaritae Mariae

et Pauperum, praecipue ad infirmorum curam, adfuit. Maria Guadalupe

hoc in officio fervore augescente, incubuit, summa diligentia in aegrotorum

animi curam adhibens. Congregationis fuit generalis antistita et a populo

nomine Matris Lupitae agnoscebatur. Eius ministerium caritatis explicabatur

dum in Mexico durior persecutio in Ecclesiam saevit; exemplari caritate

et animo, Beata cum sororibus sine timore rerum socialium et politicarum

eis hostilium agebant. Die 24 mensis Iunii anno 1963 Beata octogesimum

quintum annum aetatis suae agens, sanctitatis fama, pace animam redidit.

Summus Pontifex Ioannes Paulus II eam die 25 mensis Aprilis anno 2004

in numero Beatorum ascripsit.

Canonizationis respectu, Causae Postulatio iudicio huius Congregatio-

nis de Causis Sanctorum assertam subiecit miram quandam sanationem

dominae Wvintilae Godoy Salas, octoginta et uno annis aetatis, e gravi in

cerebro sanguinis eruptione. Domina Wvintila die 12 mensis Aprilis anno

2008, post casum nervorum sollicitationis, fortem capitis dolorem, vomitum

et nauseam, nec non detrimentum tam perceptionis quam visionis percipi

incepit. Quia parvo in oppidulo habitabat confestim eam in valetudinarium

Sanctae Margaritae in pago v. d. Guadalajara traduxerunt. Aegrota autem

soporem scilicet torporem, declinationem commissurae labialis ad dexte-

ram, paralysin faciei et corporis in parte sinistra, mioticam reclinationem