Congregatio de Causis Sanctorum 883

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Venerabilis Servi

Dei Ioannis de Palafox et Mendoza, Episcopi prius Angelopolitani, postea

Oxomensis, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 17 mensis Ianuarii A. D. 2009.

e Angelus Amato, S.D.B.

Archiep. tit. Silensis

Praefectus

L. e S.

e Michaël Di Ruberto

Archiep. tit. Biccarensis

a Secretis

VRATISLAVIEN.

Beatificationis et canonizationis Servi Dei Roberti Spiske sacerdotis dioecesani

fundatoris Congregationis Sororum Sanctae Hedvigis (1821-1888)

DECRETUM SUPER VIRTUTIBUS

« Iudica me, Domine, quoniam ego in innocentia mea ingressus sum et in

Domino sperans non infirmabor. Proba me, Domine, et tenta me; ure renes

meos et cor meum. Quoniam misericordia tua ante oculos meos est, et ambu-

lavi in veritate tua » (Ps 25, 1-3).

Fulgida prisci Israelis psalmistae verba sponte et clare respondent vitae,

eventibus et praecipuis religiositatis signis Servi Dei Roberti Spiske, eminen-

tis viri Germaniae Catholicismi socialis XIX saeculi.