ACTA CONGREGATIONUM

CONGREGATIO PRO DOCTRINA FIDEI

Rescriptum ex Audientia

Summus Pontifex Benedictus XVI benigne annuit precibus Congregatio-

nis pro Doctrina Fidei ut Normae de gravioribus delictis eidem Congregationi

reservatis, Litteris Apostolicis Motu Proprio sub inscriptione « Sacramen-

torum sanctitatis tutela » datis a venerabili Servo Dei Ioanni Paulo II die

XXX mensis Aprilis anno Domini MMI promulgatae, emendentur iuxta

sequentem editionem typicam quae in Actorum Apostolicae Sedis commentario

officiali promulgari et publici iuris fieri iussit ea mente ut illico ligent,

contrariis quibuscumque, etiam speciali mentione dignis, non obstantibus.

Die XXI mensis Maii anno Domini MMX.

Gulielmus Cardinalis Levada

Praefectus

e Aloisius Franciscus Ladaria, S. I.

Archiep. Tit. Thibicensis

A Secretis

NORMAE DE GRAVIORIBUS DELICTIS

Pars Prima

NORMAE SUBSTANTIALES

Art. 1

§ 1. Congregatio pro Doctrina Fidei, ad normam art. 52 Constitutionis

Apostolicae Pastor bonus,1 cognoscit delicta contra fidem et delicta graviora,

tum contra mores tum in sacramentorum celebratione commissa atque, ubi

opus fuerit, ad canonicas sanctiones declarandas aut irrogandas ad normam

Congregatio pro Doctrina Fidei 419

1 Ioannes Paulus PP. II, Constitutio apostolica Pastor bonus, De Romana Curia, 28 Iunii

1988, art. 52, in AAS 80 (1988), 874: «Delicta contra fidem necnon graviora delicta, tum contra

mores tum in sacramentorum celebratione commissa, quae ipsi delata fuerint, cognoscit atque,

ubi opus fuerit, ad canonicas sanctiones declarandas aut irrogandas ad normam iuris, sive

communis sive proprii, procedit ».