50. De sancto Iodoco.

In 1. Vesperis.
Ad Magnificat.

A. Gemma sacerdotum,

famulantum perfice votum,
Exue peccatis,

Iudoce, gregando beatis.

Ad Matutinum.
Invitatorium.

De confessoris

resonat vox cordis et oris
Iudoci meritis,

hodie qui redditur astris.

In 1. Nocturno.
Antiphonae.

1. Ortu regalis,

summo regi specialis,
Regna caduca fugit

Iudocus et avia quaerit.
2. Intrat Pontini

confinia melle superni
Dogmatis imbutus,

Domino servire paratus.
3. Dat panis quartas

Christo sub paupere totas,
Respondit placidus
navalis copia donis.

Responsoria.

1. Sanctus Dei saeculum
Spernens habitaculum

Quaerit extra populum,

Quietis umbraculum;
V. Nam turbae turbatio

Fit orbis orbatio,

Palus in palatio.
2. Vere pisces et pennata

Victum quaerunt de sacrata

Confessoris dextera,
V. Feritatis sunt oblita

Quaevis animantia.
3. Ducem sitis urit gravis,

O quam Deo vox suavis
Orans cum fiducia:

Terra sentit violentum,

Dum percussa dat fluentum
Sitis in remedia;
V. Dignum Deo veneratur

Dux, qui tantus comprobatur.

In 2. Nocturno.
Antiphonae.
1. Copia signorum

vexamen agit populorum,
Longius abscedit,

coluber vetus in pede laedit.
2. Ad sua vota locum

tandem reperit placiturum,
Unde petit Romam

Martinum visere papam.
3. Papae consultor

cellae redit ad sua cultor,
Caecae natura

cuius fit lotio cura.