Quinquagena I.

1. Ave, virgo, Christi puerpera,
Cum quo iucundaris in aethere,
Vitam meam, exoro, prospera,
Ut hac oda te laudem libere.

2. Ave, virgo, quam geneologus
Genuisse Deum explicuit,
Te delectet versus semilogus,
Quem poesis mater elicuit.

3. Ave, virgo, virtute praedita,
Inimici qua dentem conteris,
Corda nostra mundanis dedita
Erigendo coniunge superis.

4. Ave, stella orta divinitus,
Cuius splendorinfernapenetrat,
Per te irae solvatur impetus,
Quae ut pestis

mentem degrandinat.

5. Ave, reparatrix iustitiae,
Mundi gravi succurrens lapsui,
Sinum pande misericordiae,
Aurem meo praebens hortatui.

6. Ave, pyxis unguentaria,
Medicamen contritis offerens,
Infirmorum per probra varia
Restauratrix sis
sanum conferens.

7. Ave, gemma, cuiuspraeclaritas
Dei splendet in diademate,
Tua suffragetur benignitas,
Phlegethontisnemergargurgite.

8. Ave, o gloriosa domina,
Elevata es super angelos,
A me cuncta prorsus extermina,
Quae divinos offendunt oculos.

9. Ave, lex testamenti gratiae,
Aptos gemmis

virtutum phalerans,
Donum mihi da patientiae,
Biliosam mentem pacificans.

10. Ave, cuius est gloriositas
Mihi cunctisque ineffabilis,
Sordes meas purga praeteritas,
Ne nex me necet infinibilis.

1l. Ave, virgo, cuius per gratiam
Mentes corroborantur stolidae,
Vagabundum per inconstantiam
Redde, quaeso, me vitaesolidae.

12. Ave, stella maris praefulgida,
Parentelis orta regalibus,
Corda nostra illustra turbida,
Excaecata noxis carnalibus.

13. Ave, virgo sapientifera,

Dcum nobis gignens in homine,
Meum purga os, mater tenera,
Dolo atque amaritudine.

14. Ave, cuius solamen efficax
Huius mundi lenit angariam,
Per te via planetur difficax,
Quae in caeli perducit patriam.

15. Ave, virginitatis lilio

Ante, in et post partum redolens,
Me commenda dilecto filio,
Quando mundum

relinquam moriens.

16. Ave, rubus ardens in eremo,
Gignens prolem

sed virgo permanens,
Exorantes te corde intimo
Sis ab hoste maligno protegens.

17. Ave, virgo amore carior,
Devotorum exsistens mentibus,
Placa mentisfurorem, deprecor,
Ne rependam male dicentibus.

18. Ave, sponsi reclinatorium,
Quo pausavit

ter tribus mensibus,
Sequax esse meum arbitrium,
Precor, Dei fac sacris legibus.

19. Ave, quae humano defectui
Succurristi Deum parturiens,
Me altaris coapta esui
Vitiosa cuncta abiciens.

20. Ave, cuius proles vi propria
Axem victorscanditastrigerum,
Esto nobis post transitoria
Ductrix, ne

mergamur in tartarum.

21. Ave, cuius maternam animam
Mortis Christi

transfodit gladius,
Hymnodiam hanc tibi rancidam
Decantanti succurre ocius.

22. Ave, quam per viam iustitiae
Deus duxit ad caeli gaudia,
Mentem meam confectam macie
Gratiarum potu inebria.

23. Ave, scala, per quam rex gloriae
Ad frangendum

descendit inferum,
Consolare me tua facie
Relinquentem

hunc mundum miserum.

24. Ave, virgo, flos innocentiae,
Fama mundum

per totum redolens,
Per virtutem tuae praesentiae
Inimicus fugetur pestilens.

25. Ave, gemmasplendensaetherea,
Thronum ornans regis iustitiae,
Madefactum me cupidinea
Faece rivo emunda gratiae.

26. Ave, per quam patet fidelibus
Paradisi via praelucida,
Mihi atque meis parentibus
Sis reductrix ad caeli fulgida.

27. Ave, virgo virtutum germine
Creaturis florens prae omnibus,
Me exutum carnali tegmine
Angelorum iunge concentibus.

28. Ave, cuius forma egregia
Unicornem allexit superum,
Mundi huius tolle naufragia,
Lites aufer,

da pacem temporum.

29. Ave, cuius natus ab inferis
Victo rege peccati rediit,
Resurgendo a tumba funeris
Gloriosus tibi apparuit.

30. Ave, cedrus o altitudinis,
Fastu tamen carens superbiae,
Donum mihi da fortitudinis,
Qui conturbor hostili rabie.

31. Ave, virgo, radix germinea,
Florem campi

gignens credentibus,
Eius suavi odore recrea
Perforatos peccati sentibus.

32. Ave, quam iustorum religio
Harmoniae laudat concentibus,
Procelloso nos a naufragio
Tuis sacris conserva precibus.

33. Ave, mortis o abolitio,
Vitam nobis

restaurans caelicam,
Me notatum hostis cauterio
Normam solve per evangelicam.

34. Ave, cuius est dulcis filius
Flagris dire caesus et alapis,
Tuis, quaeso, me solve precibus,
Vinclis vinctum
inferni principis.

35. Ave, lampas o indeficiens,
Illustrata caelesti lumine,
Cor eodem meum caecutiens
Purga, precor, ab omni crimine.

36. Ave, quam virtutes uranicae
Oda laudant mirae dulcedinis,
Pronitatem furoris abice,
Donum mihi

dans mansuetudinis.

37. Ave, per quam mens reviviscere
Potest prius peccatis mortua,
Damasceno me pressum onere
Manu tua potenti subleva.

38. Ave, virgo piatrix scelerum,
Qui gravamur in conscientia,
Nobis confer iustorum operum
Bonum finem cum sufferentia.

39. Ave, gemma auro splendidior,
Cuncta mundi illustrans spatia,
Me, peccati qui faece tenebror.
Tuo fulvo splendore radia.

40. Ave, mater prolis ingenuae
Eligente te Dei gratia,
Vitae meae, quaeso, occiduae
Det solamen tua clementia.

41. Ave, navis ferens suffragia,
Quae divinum

mulcent imperium
Concinentem tua praesagia
Duc in caeli epulatorium.

42. Ave, vera spes veri gaudii,
Qua levamur pressi maestitia
Me, quem motus

perturbant varii,
Sublevare tua clementia.

43. Ave, qua paradisi ianua
Aperitur clausa a saeculo,
Furnam carnis culpam evacua,
Cui adhaesi heu corde sedulo.

44. Ave, virga Assueri aurea,
Signum mundo

datum clementiae,
Cervix mea frangatur ferrea,
Per te capax ut fiat gratiae.

45. Ave, virgo sapientissimi
Salomonis reclinatorium,
Arcum nostri

hostis nequissimi
Tuum frange per adiutorium.

46. Ave, videns ab olinifero
Monte natum

caelum ascendere,
Fac, beata, me tibi, obsecro,
Sapienter hanc odam psallere.

47. Ave, mundi praecelsa domina,
Cui hoc carmen

libo harmonicum,
Deplorantem me mea crimina
Duc in campum paradisiacum.

48. Ave, virgo fons manans satie
Gratiarum rivos credentibus,
Aqua pota me sapientiae
Comparatum insipientibus.

49. Ave, virgo, cui libens offero
Carmen istud fructu eximiam,
Ad tribunal cum ductus fuero,
Tuum salvet me patrocinium.

50. Ave, per quam misericordiam
A superno meremur numine,
Prece tua velut nix albeam,
Qui peccati turpor nigredine.