QUAESTIO III.

Quid tenendum de opinionibus quorumdam hic ?

Alens. 3. p. q. 6. m . 2. ori. 5. D. Thomas 3. p. q. 2. art. 4. et hic q.2. art. 3. D. Bonaventura art. I. q. 2. Richardus art. 2. q . 3. Durand. q. 3. Gabriel q . 4. art. 3. Alm. q . 11. Marsilius q. I. Hi videntur negare compositionem in Christo proprie. Suarez 3. p . tom. I. disp . 7. sect . 4. etd. 8. sect . I. Vasq. disp. 16. oppositum probant. Scotus in Oxon. hic.

Quaeritur tertio de tribus opinionibus in littera, quae sit tenenda in Verbo assumente naturam humanam. Opinio quaedam ponit quod ex anima et corpore constituitur quidam homo, et non concurrit tertia natura. Secundo, quod iste quidam homo assumitur a Verbo. Tertio, quod propter maximam unitatem assumptionis verum est dicere, hoc est hoc. Et quarto sequitur ex hoc, quod Christus est duo.

Secunda opinio ponit contradictoriam primae. Et in hoc quod dicit quod ex anima et corpore constituitur quidam homo, et in hoc quod ista ponit quod anima et corpus et tertia natura concurrunt ad unam personam. Similiter dicit quod ista faciunt personam compositam, quae ante incarnationem fuit simplex, et post incarnationem fuit composita, et isti habent dicere quod una persona non est alia, sed subsistit in alia, et non debet dicit persona divina facta absolute, quia non nisi cum determinatione, sic: Verbum factum est caro vel homo, et dicunt quod Christus est unum quid.

Tertia opinio contradicit primae in hoc. quod negat hominem quemdam ; negat etiam secundam opinionem in hoc quod dicit aliquid esse compositum ex his, quia ista praedicatio : Christus est homo vel Verbum, solum est habitualis, et non formalis ; unde Christus est homo, secundum habitum. Ad hoc est auctoritas Apostoli, ad Philipp. 1. Habitu inventus ut homo. Et Augustinus lib. 83. qq. 63.