Acta Apostolicae Sedis - Commentarium Officiale820

CONGREGATIO PRO DOCTRINA FIDEI

Responsa ad quaestiones ab Episcopali Conferentia Foederatorum Americae Sta-

tuum propositas circa cibum et potum artificialiter praebenda.*

1. Quaeritur: Estne moralis obligatio subministrandi cibum et potum - sive

naturali sive artificiosa ratione - aegroto qui versatur in « statu vegetativo »,

excepto casu quo haec alimenta a corpore aegroti recipi nequeant seu solummodo

cum gravi molestia physica ministrari possunt?

Respondetur affirmative; quandoquidem cibi potusque subministratio,

artificiali etiam methodo peracta, in linea principii, servandae vitae medium

ordinarium et proportionatum evadit. Quapropter eiusdem procurandae mo-

ralis viget obligatio, quatenus consequi comprobetur finem suum proprium,

nempe nutritionem et imbibitionem aegroti; qua quidem subministratione

dolores et mors inanitionis et dehydratationis causa vitantur.

2. Quaeritur: Si cibus et potus methodis artificialibus aegroto in « statu ve-

getativo permanente » versanti procurantur, possunt cessare erogari ex idoneorum

medicorum sententia, vi certitudinis moralis praedita, secundum quam aegrotum

numquam conscientiam suam recuperaturum esse censetur?

Respondetur negative; etenim aegrotus in « statu vegetativo permanente »

versans semper persona est, dignitate humana nullatenus destituta, cui ex

hac ipsa ratione curae ordinariae et proportionatae debentur; inter quas, in

linea principii, subministratio cibi et potus, etiam methodo artificiali obti-

nenda, connumeranda est.

* Commentarium locuples editum fuit in L'Osservatore Romano, 15 mensis Septembris anno MMVII, p. 1.5.