Acta Apostolicae Sedis - Commentarium Officiale732

tem ».184 Ecclesia enim semper consciam se praebuit quod in actione liturgica

Verbum Dei sociatur intima actione Spiritus Sancti, qui efficax reddit illud

in cordibus fidelium. Revera, Paraclito inspirante, « Verbum Dei actionis

liturgicae fit fundamentum et totius vitae norma atque subsidium. Ipsius

ergo Spiritus operatio ... cuiusque cordi ea omnia suggerit quae in verbi

Dei proclamatione pro universo fidelium coetu pronuntiantur, et dum

omnium coagmentat unitatem, charismatum quoque diversitatem refovet

et multiplicem operationem extollit ».185

Quapropter intellegatur et vivatur oportet vis essentialis actionis liturgi-

cae ad Dei Verbi intellectionem. Quodammodo fidei hermeneutica quatenus ad

sacram Scripturam referenda est semper ad liturgiam, ubi Verbum Dei celebra-

tur tamquam actuale ac vivens verbum: « Sic in Liturgia Ecclesia fideliter

sequitur modum legendi et interpretandi Scripturas sacras, quo ipse Christus,

qui ab 'hodie' eventus sui, ad Scripturas omnes perscrutandas adhortatur,

usus est ».186

Hic sapiens etiam apparet paedagogia Ecclesiae quae proclamat et audit

sacram Scripturam iuxta cyclum anni liturgici. Haec Verbi Dei in tempus

dilatatio accidit praesertim in celebratione eucharistica et in Liturgia Hora-

rum. In omnium centro splendet Mysterium Paschale, quocum nectuntur

omnia Christi et historiae salutis mysteria quae sacramentaliter perficiuntur:

« Mysteria redemptionis ita recolens, divitias virtutum atque meritorum Do-

mini sui, adeo ut omni tempore quodammodo praesentia reddantur, fidelibus

aperit [Ecclesia], qui ea attingant et gratia salutis repleantur ».187 Hortamur

ergo Ecclesiae Pastores et operatores pastorales ad ita agendum ut cuncti

fideles educentur ad gustandum altum sensum Verbi Dei quod anno vertente

in liturgia explanatur, ostendendo fundamentalia nostrae fidei mysteria. Ab

hoc pendet etiam rectus aditus ad sacram Scripturam.

Sacra Scriptura et Sacramenta

53. In agitando argumento de pondere liturgiae ad intellectionem Verbi

Dei, Synodus Episcoporum extollere voluit etiam vinculum inter sacram

Scripturam et actionem sacramentalem. Valde opportunum est perscrutari

184 Ordo Lectionum Missae, 4. 185 Ibid., 9. 186 Ibid., 3; cfr. Lc 4, 16-21; 24, 25-35. 44-49. 187 Conc. Oecum. Vat. II, Const. de sacra Liturgia Sacrosanctum Concilium, 102.