Acta Apostolicae Sedis - Commentarium Officiale514

Dominico Savio compararet et orationem ad intercessionem eius postulan-

dam approbavit. Narratio vitae et conversationis, quarum hodie versiones in

decem linguas exstant, magnum erga operam eius adeo sevit favorem, ut

iuvenes senesque plurimi ad evangelica praecepta per has lectiones magis

inflammatos se sentirent, aliique Servi Dei exemplum valde ipsorum voca-

tioni profecisse affirmarent.

Ob Servi Dei sanctitatis famam, Causa Beatificationis et Canonizationis

apud Curiam Archiepiscopalem Valentinam inita est per celebrationem In-

quisitionis dioecesanae a die 17 mensis Octobris anno 1986 ad diem 14 mensis

Decembris anno 1990, cuius auctoritas et vis iuridica a Congregatione de

Causis Sanctorum die 4 mensis Octobris anno 1991 probatae sunt. Positione

confecta, die 27 mensis Novembris anno 2009 in Congressu Peculiari Consul-

torum Theologorum prospero cum exitu disceptatum est, iuxta consuetudi-

nem, an Servus Dei more heroum virtutes christianas exercuisset.

Patres Cardinales et Episcopi in Sessione Ordinaria diei 14 mensis Decem-

bris anno 2010, audita relatione Excellentissimi ac Reverendissimi Domini

Edmundi Farhat, Archiepiscopi titularis Bybliensis, Causae Ponentis, profes-

si sunt Servum Dei virtutes theologales, cardinales iisque adnexas in modum

heroum exercuisse.

Facta demum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum

in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Faustini

Pérez-Manglano Magro, Alumni et Postulantis Societatis Mariae, in casu et ad

effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 14 mensis Ianuarii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. el. Mevaniensis, a Secretis