290 Acta Apostolicae Sedis - Commentarium Officiale

ROMANA

Beatificationis et Canonizationis Servae Dei Mariae Olivae Bonaldo (in religione: Mariae Olivae a Corpore Mystico) Fundatricis Congregationis Filiarum Ecclesiae (1893-1976)

DECRETUM SUPER VIRTUTIBUS

« Intellexi Iesum, mihi clarissima fuit Corporis Mystici notio; me sentie-

bam mutatam, caelum totum in me erat, res terrestres mihi tristes appa-

ruerunt et vanitas omnia quae ad Deum non pertinebant ».

His verbis Serva Dei Maria Oliva Bonaldo die quodam suis narravit soro-

ribus eventum vitae suae quem oblivisci non potuit quique, eodem tempore,

altissimum manifestavit eius spiritualitatis secretum.

Serva Dei die 26 mensis Martii anno 1893 Castri Francorum (Tarvisii)

est orta. Adhuc puellula matre est orbata; hoc profunde eius personam

designavit in transitu ad adulescentiae aetatem, tamen sempre viva mansit

eius in conscientia alta religiosa institutio a matre accepta, potissimum

amor erga Eucharistiam et pauperes. Alumna Collegii Canossianarum Tar-

visii, technicas ibi frequentavit scholas; deinde studia Venetiis est prose-

cuta, ubi magistrale consecuta est diploma. Navitatem docendi in Campigo

coepit (Tarvisii) suas evolvens dotes paedagogicas et didacticas cum creativo

intellectu. Prompta et sollicita de pauperibus, eis suum cum simplicitate

magnanimitateque salarium dabat. Desponsa fuit alicui iuveni pictori ex

Venetiis ut familiam formaret, tamen in animo sibi de hoc penitus displicuit.

Die 22 mensis Maii anno 1913, in processione Corporis Christi, « gratiam

extraordinariam lucis et roboris » est experta, sicut reverendo Cyro Scotti

(sacerdoti Aenariae, Servi Dei) scripsit, et dare desiderium animadvertit se

totam Domino per operam pro Ecclesiae bono dicandi. Interea missionem

docendi est prosecuta, in animo deditionem sine conditione Deo et Ecclesiae

maturans. Illo tempore primum bellum mundiale deflagrabat atque Serva

Dei profuga fuit in Portiolo (Mutinae); ut desiderio responderet sequendi

illos qui ultimi erant, efficacia ad finem adduxit incepta necessitudinem cum

pueris eorumque evangelizationem spectantia atque se magno cum fructu

sapientiali dicavit Sacrarum Scripturarum lectioni.

Anno 1920 suam sacrificans inspirationem in oboedientia moderatori

spirituali, inter Filias Caritatis Canossianas est ingressa. In litteris lau-