362 Acta Apostolicae Sedis - Commentarium Officiale

laudem: « Quam delectabis angelos! ». Dulcis est et consolans laetitia quae

delectamento manat aliis comparato, cum eos laetantes videmus. Eiusmodi

laetitia, amoris fraterni effectus, non est illa vanitatis illius qui se ipsum

respicit, sed illius qui amat quique bono amati delectatur, quod in alterum

redundat et fecundum fit in ipso.

130. Ceterum, in dolore laetitia renovatur. Sicut sanctus Augustinus as-

severare solebat, « quanto maius periculum fuit in proelio, tanto est gaudium

maius in triumpho ».131 Postquam sunt compassi et simul concertarunt, co-

niuges experiri possunt operae pretium fuisse, quia aliquid boni acceperunt,

aliquid simul didicerunt, vel pluris aestimare possunt quod habent. Pauca

hominum delectamenta tantum habent altitudinis festivitatisque, quantum

illa, quae duae personae mutuo amantes sunt aliquid una consecutae, mul-

tum virium simul insumentes.

Matrimonium ob amorem ineundum

131. Iuvenibus effari volumus nihil ex his omnibus praeiudicari cum amor

modum sumit institutionis matrimonialis. Coniunctio in eiusmodi institutione

modum invenit ad suam stabilitatem suumque verum et certum augmentum

efficiendum. Verum est amorem maius quiddam esse quam externum consen-

sum vel formam quamdam contractus matrimonialis, tamen pariter certum

est deliberationem matrimonio tribuendi visibilem in societate effigiem per

definita officia suum pondus manifestare: identitatem cum altero serio animo

acceptam demonstrat, individualismum adolescentium superatum significat

atque firmam ostendit deliberationem inter se ex toto eos devinciri. Matri-

monium initum modum est manifestandi maternum nidum revera relictum ad

alia firma ligamina componenda adque novam responsalitatem coram altera

persona sumendam. Hoc pluris est quam mera quaedam voluntaria consociatio

mutuae gratificationis, quod ad privatam rem matrimonium redigeret. Ma-

trimonium uti socialis institutio tutela est et instrumentum mutui officii, ad

amorem augendum, ut deliberatio ad alterum pertinendi solide, certe alteque

crescat, et eodem tempore missionem suam in societate adimplere valeat.

Quam ob rem matrimonium quamlibet transeuntem rationem praetergreditur

et perstat. Eius essentia ipsa natura personae humanae nititur eiusque indole

sociali. Seriem munerum secum fert, quae autem ex ipso amore oriuntur, ex

amore nempe tam firmo ac liberali qui periculum futuri adire valet.

131 Confessiones, VIII, 3, 7: PL 32, 752.