SERMO LI.

IN FESTO BEATAE CATHARINAE

VIRGINIS.

Simile est regnum coetorum sagenae missoe in mare, et ex omni genere piscium congreganti. Matth. xiii, 47.

Tria principaliter sunt hic notanda :

I. Quid per sagenam quae in mare mittitur, exprimatur ? II. Quid per pisces qui per hanc sagenam congregantur, intelligatur ? III. Quid per electores piscium figuraliter accipiatur ?

I.

De primo nota : Per sagenam intelligitur gloriosa virgo Catharina. Sicut enim mulier fornicaria sagena est diaboli, per quam capit animas peccatorum : ita etiam virgo prudens et sancta sagena est Jesu Christi. Quod mulier fornicaria sa- gena sit diaboli, testatur Habacuc, I, 15, et loquitur de diabolo, ita dicens: Totum in hamo sublevabit, traxit illud in sagena, et congregavit in rete suum. Per hamum notatur superbia, quae per vanam gloriam inescari desiderat. Per sagenam luxuria, sive luxuriosa mulier figuratur. Per rete quod nexus habet multiplices, designatur avaritia. Multiplices enim adinventiones exagitant avari, ut res possint acquirere. Et vere per haec tria vitia diabolus capit pene totum genus humanum,

et praeterea incrassata est pars ejus, et pauci sunt quos Dominus comprehendat.

Igitur Beata Catharina, quia virgo fuit prudens et sancta, sagena fuit Jesu Christi. Haec enim per prudentiam a Deo sibi collatam cepit quinquaginta magnos Rhetores et Oratores eximios, qui per eam ad fidem conversi,per martyrium ad Dominum pervenerunt. Haec etiam per sanctitatem virginitatis suae ipsam reginam Maximini conjugem, et Porphyrium principem militias cum multis militibus cepit Christo. Omnes enim ipsi per istam crediderunt, et pro Christo passi fuerunt.

Multum ergo diabolus invidit huic pretiosas sagenas, quapropter diversis machinationibus nisus est eam disrumpere per exsecutorem nequitiae suae Maximinum. Maximinus enim instigatus a diabolo, praecepit Catharinam nudam coeli, et post in carcerem tenebrosum recludi, inhibuit etiam ne vel panis vel aqua daretur virgini : sed Dominus suam fidelem sagenam non derelinquens, per candidam columbam ipsam in carcere pavit, et per Angelos sua vulnera curavit, ipsumque carcerem copioso lumine illustravit. Post haec jussit Maximinus ut virgo per quatuor rotas, quarum radiis infixi erant acutissimi clavi, discerperetur : sed Dominus suam sagenam miraculose conservavit illaesam. Demum ut haec sagena laboris ac utilitatis suae praemium reciperet, a Domino decollatur. Decollata vero ab Angelis in montem Sinai transponatur, ibique sepulturas honorifice commendatur, ubi tunc stillare cepit, et adhuc distillat humorem sanitatis ac gratias, quo ipsa a Christo ipsius sponso copiosissime inuncta fuerat et irrigata.

Et nota, quod haec sagena largum pietatis sinum habebat. Cum enim decollanda esset, oravit ad Dominum, ut quicumque passionis suae memoriam agerent, quicumque etiam in exitu animae suae, vel in alia quacumque necessitate eam invocaret, propitiationis divinae celerem consequerentur effectum, et quod fugerent ab his qui ejus auxilium fideliter implorarent, pestilentias, fames, morbus, et clades, et omnis auras intemperies. Oratione completa,vox de oeelo insonuit promittens ei, quod in omnibus suis petitionibus a Domino foret exaudita.

Imitemur et nos, charissimi, hujus virginis prudentiam, castitatem et pietatem, ut videlicet per prudentiam astutias diaboli caveamus, et per castitatem inquinamenta saeculi fugiamus, per pietatem vero bonis operibus insistamus.

Et nota, quod multum indigemus prudentia sive sapientia contra dolos ac versutias diaboli. Ipse enim multa vasa concupiscentiarum offert animae, ut saltem anima aliquam illarum acceptet. Unde legitur, quod Abbas Macarius quadam vice vidit diabolum euntem ad quoddam claustrum, qui habebat multas pyxides circum circa se pendentes. Quaesivit autem Beatus Macarius quid esset in illis pyxidibus : cui respondit diabolus quod plenae essent diversis speciebus, et ideo tot secum portaret, ut si alicui non placeret quod esset in una pyxide, daret ei de alia, et sic per ordinem omnes offerret, ut saltem aliquam illarum acceptaret. Castitate etiam indigemus, quia sine ea carnis spurcitias ac saeculi immunditias pertransire non possumus. Indigemus etiam pietate , quia sine ea vacui, et sine fructu bonorum operum in divino examine inveniremur.

Nota etiam, quod per sagenam divina benignitas exprimitur. Per mare vero mundus iste figuratur, qui ad similitudinem maris inquietus est et amarus : foris enim hominem per plurimas perturbationes inquietat, intus autem per varias sollicitudines amaricat : quod recognovit Paulus, ita dicens II ad Corinth. VII, 5 : Nullam requiem habuit caro nostra, sed omnem tribulationem passi sumus: Foris pugna, intus timores. Igitur per sagenam divina benignitas exprimitur, quam Deus misit in mare hujus mundi, ut per eam homines trahat ad salutem sive bonos

sive malos. Ipse enim non venit tantum vocare justos, sed etiam peccatores, sicut per semetipsum testatur, Matth. IX, 13 : Non veni, inquit, vocare justos, sed peccatores.

De hujus sagenas missione in mare dicit Paulus ad Titum,III, 4, et seq. : Cum benignitas, et humanitas apparuit Salvatoris nostri Dei : non ex operibus justitiae quae fecimus nos, sed secundum misericordiam salvos nos fecit : ut justificati gratia ipsius, haeredes simus secundum spem vitas aeternae. Bona est haec sagena, quas ad hoc homines capere nititur, ut habeant vitam aeternam. Contrarium facit diabolus, qui propter hoc capit homines, ut, morte moriantur esterna.

II.

De secundo nota : Per pisces homines figurantur. Unde dicitur Habacuc, I, 14 : Facies homines quasi pisces maris. Ex omni ergo genere piscium, id est, ex omni genere hominum,congregat sagena divinae benignitatis : ''Non est enim personarum acceptio apud Deum '. Non est distinctio Judaei et Graeci: nam idem Dominus omnium, dives in omnes,qui invocant illum, ''sicut dicit Apostolus ad Rom x, 12. Congregat ergo sagena, id est, benignitas Domini omnes indifferenter, usquequo impleatur. Tunc vero implebitur, cum completus fuerit numerus electorum.

Cum autem impleta fuerit hac sagena, educetur ad littus. Per littus namque intelligitur judieicialis examinatio. In divino enim judicio examinabuntur pisces, id est, homines, quales videlicet fuerint, sive boni, sive mali : propter quod dicit Apostolus, II ad Corinth. v, 10 : Omnesnos manifestari oportet ante tribunal Christi, ut referat unusquisque propria corporis, prout gessit, sive bonum, sive malum.

III.

De tertio nota : Sagenas educlrices et piscium electrices sunt tres filias Dei, videlicet potentia, sapientia, et justitia, quarum cooperatores sunt S. Angeli. Das etenim tres filiae Dei cum consummationem fecerint hujus mundi, eligent bonos pisces, id est, illos homines qui ad bonitatem se converterunt, quamdiu in sagena fuerunt, eligent, inquam, eos in vasa sua, id est, in amplexus Patris, et Filii, et Spiritus sancti. Potentia namque, et sapientia, et justitia in Patre, et Filio, et Spiritu sancto, tamquam in quibusdam vasis requiescunt. Patri quippe attribuitur potentia, Filio sapientia, Spiritui sancto benignitas et justitia. Cum enim Spiritus sanctus sit quasi quidam consiliarius et mediator Patris et Filii, oportet quod ipse sit benignus et justus. 0 quam felices sunt illi, qui recipi meruerint in beatos amplexus gloriosissimae Trinitatis I

Mali vero pisces, id est, mali homines, videlicet superbi, iracundi, invidi, avari, acediosi, gulosi, et luxuriosi, et omnes impii, qui homines hominibus sunt injuriosi, separati de medio justorum, foras tunc mittentur per ministerium Angelorum : ''Exibunt enim Angeli, et separabunt malos de medio justorum, et mittent eos in caminum ignis : ibi erit fletus, et stridor dentium '.''

Nota ergo quadruplicem poenam quam patientur iniqui. Prima est ignis ustura, secunda perpetua clausura, tertia est ama- ritudo fletus, quarta est omnimoda inquietudo. Primae duas notantur ibi, ubi dicitur : Mittent eos in caminum ignis. Caminus enim accenditur, et cum accensus fuerit, clauditur. Reliquae dure poenae

notantur ibi, ubi subditur: Ibi erit fletus et stridor dentium. Fletus enim ille non erit sine magna amaritudine, nec etiam

FINIS SERMONUM DE SANCTIS.

stridor dentium potest esse sine inquietudine.

Rogate ergo Dominum, charissimi, ut sic a malitia ad bonitatem convertamur, ut in vasa gloriaerecipi mereamur. Quod nobis prarstare dignetur Jesus Christus Dominus, etc.

DE QUIBUSDAM FESTIS

SERMONES ALII, VEL MELIUS SERMONUM PROPOSITIONES.