52. De sancta Margareta.

In 1. Vesperis.
Ad Magnificat.

A. O Margareta,

virgo martyrque beata,

Sponsa tuo grata

sponso, lux luce repleta,
Cum sanctis redoles

hodie, tu coelica proles,
Christum magnificas

et super astra micas.

Ad Matutinum.
Imitatorium.

Regem laudantes,

regi iubilemus ovantes,

Qui Margaretam

transvexit in aethera laetam.

In 1. N octurno.

Antiphonae.

1. Margareta colens

Christi mirabile nomen,
Virgo fide redolens
mundanum respuit omen.

2. Haec est virgo sacra,

quae contempsit simulacra,
Cui plus est grata
Domini lex immaculata.
3. Haec mundo corde

vixit, quia caruit sorde,
Post vitae cursum

penetravit aethera sursum.

Responsoria.

1. Lux fulget celebris,
qua Margareta puella
De mundi tenebris

oritur coelo nova stella,
Gaudens ante Deum

duplicavit ab hoste trophae-
um;
V. Vocibus hinc crebris

resonet sexus muliebris.
2. Virgo Deo grata,

generosa stirpe creata,
Christi lege pater

cujus caret et sua mater,
V. Quos, quia gentiles,

fugit et reputat quasi viles.

3. Carnis spurcitias

ob Christi spernit amorem,
Mundi delicias

renuit, decus atque decorem,
V. Haec contemplatur

coelestia nec satiatur.

In 2. Nocturno.
Antiphonae.

1. Justiae cultrix

et nequitiae fuit ultrix,
Nunc Christo juncta,

quia prae consortibus uncta.
2. Torrens flumineus

hodie nos Laetificavit,
Sponsus quippe Deus
sponsam sibi sanctificavit.
3. Haec est fundata

constanter et aedificata,
Martyrio fortis

superat discrimina mortis.

Responsoria.

1. Ex Asia veniens

partes petit Antiochenas
Olybrius, cupiens

sanctis infligere poenas,
V. Nequitiae testis,

fidei saevissima pestis.
2. Virgo fide stabilis

a praeside non superatur,
Nec sua mens fragilis,

dum caeditur et cruciatur,
V. In poenis orat,

et sanguis membra colorat.
3. Carceris a parte

saliens draco daeraonis arte,
Distinctus more

vario varioque colore,
Mox rapit ancillam,

Christi crux liberat illam.
V. Freta crucis signo

servatur ab hoste maligno,
Tunc alvo caesa

crepuit non virgine laesa.
In 3. Nocturno.

Antiphonae.

1. Laudibus exsultet

polus omnis, terra resultet,
Turba puellarum

congaudeat et dominarum.

2. Regnans in caelis

exultat virgo fidelis,
Vita solemni

pollens et luce perenni.
3. Plebs devota Dei

praesentis festa diei
Glorificet renovans,
cantica cantet ovans.

Responsoria.

1. Daenion adest frater,

quem tartarus edidit ater,
Hunc virgo pede terit,
superatus cedere quaerit,
V. Leniter affatur

veniamque blande precatur.
2. Virgo flagellatur,

sursum suspensa crematur,
Ut subjungatur,

tortor jubet, et moriatur,
Vertice truncato
migravit fine beatos
V. Quam felix anima,

pro summis despicit ima.

3. Virgo, puellarum

jubar et speculum domina-
rum,
Virginei floris

decus et diadema decoris,
Sede fruens caeli
plebi succurre fideli.
V. Ecce, columbina,

vox clamat, sponsa, festina
In sponsi Christi
paradisum, quem meruisti.

In Laudibus.

Antiphonae.

1. Virgo coronatur,

regnum sortita supernum,

Cujus in aeternum

sedes super astra paratur.
2. Omnes athletae

fidei, Domino jubilate,
Qui Margaretae

celebratis festa beatae.
3. Ilaec caruit naevo,

tenero dum vixit in aevo,
Quam sic adstantem
Deus invenit vigilantem.
4. Haec est, mundana

cui semper gloria vana,
Dignaque multiplici
bonitate Dei benedici.

5. In sanctis ejus

laudemus cunctipotentem,
Qui Margaretam

reddit super alta nitentem.

Ad Benedictus.

A. Gemma pudicitiae,

quae Margareta vocaris,
In coelis hodie

cum Christo glorificaris,
Pro meritis fidei

rutilans aurora diei,
Fac, virtute Dei

nos super astra vehi.

In 2. Vesperis.
Ad Magnificat.

A, O quam glorifica

sublimis luce coruscat,
Quam non obfuscat

labes, deitatis amica,
Martyr sidereis

hodie stipata choreis
Psallat cum cithara

sponsi coelestis in ara.