Quinquagena II.

51. Salve, virgo, arbor fructifera,
Fructum ferens vitaeperpetuae,
Pia mater, nostra facinora
Dele et ab hoste nos erue.

52. Salve, per cuius opificium
Lapsus redit ad statum gratiae,
Cordi meo caeco per vitium
Lumen mitte intellegentiae.

53. Salve, virgo, cuius memoria
Dulcis mihi exstat refectio,
Odae huius sume donaria,
Quae devoto libo servitio.

54. Salve, virgo, urbs fortitudinis,
Circumsaepta virtutum moeniis,
Praegravato mole formidinis
Sis munimen tuis praesidiis.

55. Salve, virgo, thronus eburneus
Regis hierarchiae angelicae,
In conflictu ne nos tartareus
Hostis vincat, te ipsam obice.

56. Salve, quae in stellato solio
Exaltaris iuxta altissimum,
Verbi Dei acuto gladio
Servi tui transfige animam.

57. Salve, quae ducatu angelico
Exsaltata es super sidera,
Me ab igne tuta venefico
Propinante philtrum per scelera.

58. Salve, virgo cuius corrigiae
Chorus adfluit apostolicus,
Tuo, deprecamur, suffragio
Adiuvetur coetus catholicus.

59. Salve, stella, cuius micamine
Illustrantur corda maerentia,
Tuo solve, precor, oramine
Infinita, quae gessi, vitia.

60. Salve, turris o invincibilis,
Contra hostes

dans propugnacula,
Te rogantem his laudum titulis
In aeterna duc tabernacula.

61. Salve, mater salutigeruli,
Concepisti quem sancto spiritu,
Gubernatrix sis tui famuli
Ab aeterno servans interitu.

62. Salve, cuius videntes faciem
Recreantur cordis mulcedine,
Mentis meae impingua maciem,
Caritatis Dei pinguedine.

63. Salve, candens flos super lilia,
Odoramen dans castimoniae,
Tela hostis fac me subtilia
Superare vi sanctimoniae.

64. Salve, cuius laudes hymnificas
Cecinerunt summa praesagia,
Nos in locum

duc, quem inhabitas,
Tua, deprecor, per suffragia.

65. Salve, virgo, quae iubilamine
Cordis Deum laudas hilariter,
Odas tuas frequenti rumine
Concinentem salva perenniter.

66. Salve, sidus, cuius a superis
Fulgor micat, ut nos illuminet,
Voluntates in mundi tenebris
Lucis tuae splendor irradiet.

67. Salve, cuius est per auxilium
Diminuta hostilis dynamin,
Tuum, quaeso, ostende filium
Mihi contemplandum
cum Beniamin.

68. Salve, dignum Dei sacrarium
Perornatum cunctis virtutibus,
Te laudantis emunda animam,
Putrefactam peccati faecibus.

69. Salve, margarita splendifera,
Diadema ornans altissimi,
Adiuvamen meum accelera,
Quem infestant

hostes taeterrimi.

70. Salve, quam hac

oda psalmigrapha
Laudo gloriantem in superis,
Peccatorum dele chirographa,
Vanitatis quae scripsit litteris.

71. Salve, cuius ac Dei filio
Promunt magi Eoa munera,
Irrorari nos stillicidio
Gratiarum benigna impetra.

72. Salve, praedicanda in saeculis,
Summi patris quam amat unicus,
Salus nobis sis in periculis,
Quae intentat

hostis altrinsecus.

73. Salve, paenitentum causidica
Consolatrixque

clemens inopum,
Pellis mea, fac, Aethiopica
Permutetur in vellus ovium.

74. Salve, vitis o fructuaria,
Vini meri propinans calicem,
Potestate ab adversaria
Tuum, quaeso,

defende supplicem.

75 Salve, cuius nati mors inclita
Infernalem confregit carcerem,
Pete mihi, dimittat debita
Ante meum

discessum lugubrem.

76. Salve, arbor o fertilissima,
Figurarum florescens flosculis,
Mentis meae, exoro, intima
Gratiarum consperge rivulis.

77. Salve, quae a choris angelicis
Veneraris ac Dei populo,
Frange panem caeli famelicis
Tui ventris pistum fornaculo.

78. Salve, quae fuisti materies,
De qua Deus

assumpsit hominem,
Emundetur servi luxuries
Tuam, virgo,

per pulchritudinem.

79. Salve, imperatrix clarissima,
Caeli, mari

terraeque principans,
Per te mea soletur anima,
Quam perturbat

ferus exterminans.

80. Salve, sidus fulgore caelicum
Plus relucens

quam stellae ceterac,
Mentem meam, quam Pelusiacum
Onus gravat, illustra iubare.

81. Salve, mater

caelorum principis,
Peperisti quem

virgo permanens,
Carmen tui accepta mancipis
Gratiarum odorem redolens.

82. Salve, virgo, cui vita caelibe
In creatis non exstat similis,
Favorosam te mibi exhibe
Odam istam sumens amabilis.

83. Salve, cuius beati oculi
Deum contemplantur

perenniniter,
Flatus tui decedens servuli
Invehatur caelis velociter.

84. Salve, virgo, terra fructifera,
Vitae nobis gignens edulium
Epularum, o mater tenera,
Sympolonem

fac me caelestium.

85. Salve, virgo, stirpe ingenua
Generata Dei oraculo,
Honorantem te mente cernua
Pietatis respice oculo.

86. Salve, spei fundamen stabile
Christianam fidem scientium,
Consolare cor meum flebile,
De supernis mittens solacium.

87. Salve, virgo, bosti terribilis
Et castrorum cincta praesidio,
Me prex tua irreprensibilis
A virtutum levet naufragio.

88. Salve, caeli regina nobilis,
Genuisti quae Dei filium,
Finis vitae meae plorabilis
Tueatur tis per axilium.

89. Salve, virgo, flos dulce redolens,
Spiramentum virtutum omnium,
Gressus meos

sis, quaeso, dirigens
Beatorum ad contubernium.

90. Salve, virgo, cuius per merita
Reformamur

ad statum pristinum,
Superare fac me phantasmata,
Quis perturbor

instinctu daemonum.

91. Salve, arbor palma sublimior,
Stans ornata virtutum floribus,
Me, hac oda qui te nunc veneror,
Ab inferni praeserva foribus.

92. Salve, porta, per quam fidelibus
Salus intrat mentis et corporis,
In procinctu belli pugnantibus
Administra solamen roboris.

93. Salve, pupillorum opifera,
Spes, asylum atque solacium,
Cordis mei planctum considera,
Nutum milii reddens propitium.

94. Salve, quae sanctitatis tramite
Angelorum excellis agmina,
Te precantem obstipo capite
Per amorem tibi adglutina.

95. Salve, virgo pulchrior Noemi
Puritate. et sanctimonia,
Nepermittas,precamur, oprimi,
Quos impugnant
saeva daemonia.

96. Salve, virgo, quae caeli ianuas
Intrans regnas

cum Deo perpetim,
Amamentum meum ne respuas,
Quo cogente te laudo affatim.

97. Salve, virginitatis speculum,
Matris tamen

honorem retinens,
Me pangentem

honorem sedulum
Tuum tua sis prece refovens.

98. Salve, mater mundi opificis,
Cum quo regnas in caeli sedibus,
Verbis tuis hunc delenificis
Demulcere stude credentibus.

99. Salve, cuius natus in umeris
Sacris ovem revexit perditam,
Viam rege nostri itineris
Per virtutum tibi ingenitam.

100. Salve, tribu quae ex Iudaica
Nata ornas hanc multipliciter,
Detractorum iacula fellica
Declinare fac me subtiliter.