Congregatio de Causis Sanctorum 397

ACTA CONGREGATIONUM

CONGREGATIO DE CAUSIS SANCTORUM

BERGOMEN.

Canonizationis Beatae Gertrudis Comensoli (in saec.: Catharinae) conditricis Ins-

tituti Sororum Sanctissimi Sacramenti (1847-1903)

DECRETUM SUPER MIRACULO

Beata Gertrudis Comensoli orta est in oppido v. Bienno, Provinciae Bri-

xiensis, die 18 mensis Ianuarii anno 1847, quinta ex decem filiis, et eodem die

baptizata est, Catharina indito nomine. Inde ab infantia ostendit peculiarem

spiritualis recollectionis et orationis sensum, eo ut septem annos nata ad

mensam eucharisticam sua sponte primum accesserit, quin immo, ab illo

die Eucharistia in ea primum locum obtinuit et veram vitae eius passionem

constituit. In hoc statu summae spiritalis fervoris soror religiosa esse cupivit,

quod desiderium, quibusdam superatis difficultatibus, ad rem omnino perdu-

xit apud novam Congregationem, Sororum scilicet Sanctissimi Sacramenti,

ab ipsa conditam, et ubi nomen sororis Gertrudis assumpsit. Vitam insumens

ad roborandum centrum cultus eucharistici, Beata die 18 mensis Februarii

anno 1903 animam Domino tradidit.

Summus Pontifex Ioannes Paulus II, die 1 mensis Octobris anno 1989

Servam Dei in Beatorum album rettulit.

Eius canonizationi prospiciens, Postulatio Causae iudicio huius Congrega-

tionis de Causis Sanctorum assertam subiecit miram sanationem pueruli

quattuor annos nati, Vasci Ricchini nomine, qui vespere diei 29 mensis Sep-

tembris anno 2001 ostendere coeperat indicia admodum trepida syndromis

meningeae. Quamvis urgenter in valetudinarium exceptus est, condiciones

valetudinis pueruli ulterius increbruerunt eo ut desperationis causa fierent

propter evidentia cerebri damna. Interim pater pueruli adivit parochum op-