Congregatio de Causis Sanctorum 515

CAMPANIENSIS in BRASILIA

Beatificationis et Canonizationis Servae Dei Franciscae de Paula de Jesus

v. dictae «Nhá Chica », Christifidelis Laicae (1808-1895)

DECRETUM SUPER VIRTUTIBUS

« Confiteor tibi, Pater, Domine caeli et terrae, quod abscondisti haec a

sapientibus et prudentibus et revelasti ea parvulis » (Lc 10, 21).

Famula Dei Francisca de Paula de Jesus, v. d. Nhá Chica seu amita

Francisca, anno 1808 in urbe Sancto Ioanne a Rege nata est in Fodinis

Generalibus in Brasilia, filia naturalis alicuius servae. Puella, a matre preces

et religionis praecepta didicit; sed, cum mulier et serva esset, nullam scholas-

ticam educationem accipere potuit. Adulescens, a captivitate liberata, una

cum matre et fratre Theotonio ad urbem v.d. Baependi, quae illo tempore

pleno progressu gaudebat, se contulit, ubi, paucos post menses, parentibus

orbata est. Mater moriens ad solitariam vitam gerendam ei commendaverat,

quo melius et caritatem adhiberet et fidem christianam servaret: ita, cum

multas rogationes connubii reciperet, Francisca eas reiecit, putans se aliam

expleturam esse missionem. In parva domo sola vivere apud vicum Baependi

permansit, ut, pauper inter pauperes, se precationi miserorumque curae tra-

deret. Sedulitas erga Deum eam impulit ad coetus cotidianae vel hebdoma-

dalis precationis constituendos inter loci gentes, ad cenam octavo quoque die

pauperibus offerendam, ad stipes egenis largiendas. Mox humillima « paupe-

rum mater », uti vocabatur, facta est, parata ad excipiendos omnes eam

appropinquantes, ut peterent preces, consilia et solacium. Sola fides duxit

eam ad locupletem et expeditam vitam deponendam pro bono fratrum. Illa

vera lucerna posita in candelabro facta est: etenim, cum olim serva et a servis

orta esset, apud se gentes omnis generis et politicae inclinationis attraxit,

quae illam Dei mulierem videbant fide caritateque plenam. Domus eius per

septuaginta quinque annos fuit frequentata ab humilibus et a consiliariis

imperii, a pueris et a claris peritis, a pauperibus et a divitibus, qui veniebant

non modo e Fodinis Generalibus et ab urbe capite tunc temporis Sancti

Sebastiani Fluminis Ianuarii. Cives multi, qui ad proximas thermas vici

Caxambu se conferebant, illam domum visitabant, primum curiositate

ducti, deinde semper magis persuasi ut aures praeberent consiliis eius. Et