Congregatio de Causis Sanctorum 323

ACTA BENEDICTI PP. XVI

ACTA CONGREGATIONUM

CONGREGATIO DE CAUSIS SANCTORUM

CRACOVIENSIS

Beatificationis et Canonizationis Servae Dei Clarae Ludovicae Szczęsna Cofunda- tricis Congregationis Servularum Ss.mi Cordis Iesu (1863-1916)

DECRETUM SUPER VIRTUTIBUS

« Omnia pro Corde Iesu ».

Haec verba, quae Serva Dei Clara Ludovica Szczęsna dicere solebat, admodum efficaciter eius vitae propositum significant, cui ipsa, cum humi-

litate et magnanimitate, usque ad postremum vitae diem fidelis permansit.

Serva Dei in loco Cieszki (Plocensis dioecesis) die 18 mensis Iulii anno

1863 e quadam frequenti familia est nata; cui sustentandae filii etiam ope-

ram dabant, ab infantia laborem exercentes; Ludovica, peculiari modo, opus

suendi exsequebatur.

Post inopinatam fratris mortem et paulo post matris quoque, Serva Dei,

duodecim annos nata, haud facilem vixit tribulationis periodum. Saepe in

oppidum Żuromin adibat et, coram Virginis effigie, consolationem quaerebat et adiumentum. Pater volebat eam cogere, septemdecim annos natam, ad

matrimonium contrahendum. Illa tamen, vocationem ad vitam coniugalem

non percipiens, iuvenis maternam secreto reliquit domum atque oppidum

Mława petiit ubi quinque vixit annos, opere suendi se sustinens. Illo tempore,

spiritales participans exercitationes a beato Honorato Koźmiński ductas, decisionem maturavit ut admissionem rogaret clandestinam in Congrega-

tionem Servularum Iesu.