L A V A L L E N . 53

liuni praeside, moderatrix donationem sibi propositam

reiecit. Interea Franciscus de stabilitate ac perpetuitate scholae

admodum sollicitus, de alia donatione facienda cogitavit. Hinc adhibito consilio Vicarii generalis "Wicart, qui insuper omnes conditiones novae donationis dictaverat, scholam una cum summa 4,000 libellarum fabricae ecclesiae Monstroliensis administratoribus tradidit per publicum instrumentum diei 12 Martii 1877; in quo tamen ne verbum quidem occurrit de summa 10,000 libellarum, post donantis obitum solvenda. Rebus sic stantibus, die 6 Martii 1878 Franciscus Iouanne cerebrali congestione correptus, die 23 Octobris sequentis anni 1879 .supremum diem obiit.

Francisco vita functo, Comes de Quatrebarbes, frater Marchionis defuncti, et Comes de Reau, qui illius volun- tatem probe noverant, eiusdem fratrem Carolum, Parochum pariter loci Argenton, rogarunt ut ostenderet tabulas in quibus ipsi executores testamentarii nominari existimabant. Verum Carolus renuit, asserens extare defuncti fratris te- stamentum, rogante publico scriba Richard, mense Aprilis anni 1878 exaratum, quo, revocatis prioribus dispositioni- bus, ipse haeres ex asse absque ulla conditione et onere in- stituebatur.

Hisce non obstantibus Comes de Quatrebarbes plurimum adlaboravit ut a Carolo solutionem 10,000 libellarum obti- neret: tum quia testamentum, utpote ab intellectualibus fa- cultatibus destituto exaratum, nullum censendum erat, tum quia, etiam in hypothesi validitatis, Carolus successerat in obligationibus sui antecessoris. Ast omnia male cesserunt, quia Carolus non solum recusavit arbitrali decisioni rem committere, verum etiam Comitem traducere volebat coram civili tribunali, ut eum adigeret ad restitutionem 10,000 libellarum, quas Franciscus securi investimenti causa« Mar- chioni de Quatrebarbes commiserat, cuius filiorum Comes administrator existit.

Post haec statim Comes de Quatrebarbes recursum ha-