53. De Tribus Mariis.

In 1. Vesperis.

Ad Magnificat.

A. Magna fecisti, Domine,
Humilitati virginis,
Matris filii hominis
Sine hominis semine,
Cujus sorores geminae,
Sui consortes nominis,
Consortes sunt et luminis
In celso coeli culmine.

Ad Matutinum.
Invitatorium.

Unum Deum in trinitate

Fideliter adoremus
Et sacras tres sorores
Sub ejusdem nominis unitate

Devote collaudemus.

In 1. Nocturno.

Antiphcraae.

1. Lunam et stellas dicimus
Esse tres sorores,
Per quas humanos novimus
Illustrari mores.

2. Sponsus coeli sibi sacrarium
Fecit corpus Mariae virginis,
Cui sorores ejusdem nominis
Duae datae sunt in solatium.

3. Haec sacra generatio

Christum noverat quaerere,
Quae a crucis patibulo
Nesciebat discedere.

Responsoria.

1. Ad laudem sororum trium,
Quibus est nomen Maria,
In unitate cordium

Vocum psalle concordia
Cum suavi melodia,
V. Decet namque consortium
Dulce sororum dulcium
Dulci coli memoria.

2. Felix Anna, felices filias
Genuit tres nomine Marias:
Prima parit Christum,

secunda Jacobumque mino-
rem
Et Joseph justum

peperit cum Simone Judam,
Tertia majorem

Jacobum volucremque Jo-
hannem.
V. Prima tulit

fortiorem hominum
Et secunda

pulsores criminum.

3. De Joachim est Maria

Sanctae prolis primitia,

De Cleopha est alia

Et de Salome tertia,
V. Anna namque connubia

Trium sortita est tria.

In 2. Nocturno.
Antiphonae.

1. O quam honoratissimae
Sunt in coelesti curia,
Quae ejus sunt tam proximae,
Qui regna dat coelestia.
2. Jesus matri suae pium
Dedit adjuvamen
Per sororum felicium
Sanctum consolamen.
3. Dei laudabilis

Est virgo civitas,
Quam venerabilis
Vallat proximitas.

Responsoria.

1. Mulieres multae secutae
Erant Jesum a Gallilaea
Ministrantes ei,
V. Inter quas erat Maria,
Mater Jacobi et Joseph,
Et mater filiorum
Zebedaei,

2. Quem lactavit genitrix Maria,
Materterae Mariae paverunt,
Qui formavit montes et maria,
Quem oculi videre meruerunt.
V. Cui mortuo pararunt

flustra aromata,
Nam non invenerunt

mortuum, qui mortem
Superavit, quem confestim

viderunt viventem.

In 3. Nocturno.

Antiphonae.

1. In sororum

laeto solenmio
Lactantium

concinat concio.

2. Sancta sanctiomonia

Sanctarum sororum
Et magnificentia

Natorum suorum
Nobis reddant praemia

Excelso coelorum.
3. Sororum laudes cantibus

Decet exaltare,
Per quas fit notum gentibus

Dei salutare.

Responsoria.

1. Non vacat a mysterio,

Quod nomen hoc habuerunt,
Quae illustratae fuerunt
In sancto testimonio,
Dum quem crucis supplicio

Judaei defecerunt,
Vivere sine dubio
Se vidisse dixerunt.
V. De resurgentis gaudio

Esse testes meruerunt.

2. Quam felices

sunt Christi proximae,
Quae perductae

sunt cum laetitia
In templum, quo
sanctorum animae

Summi regis

fruuntur gloria ;
V. Illio splendent

regina Maria
Et sorores

ejus sanctisbimae.

In Laudibus.
Antiphonae.

1. Christus regnans

praeponit omnibus
Matrem suam,

cujus sororibus
Dat decorem
in summis sedibus.

2. Omnis terra

resultet gaudiis
In sororum
lactis solemniis.

3. Dedit fructum

coelorum Dominum

Terra bona,

regina virginum,

Orbis doctores

cujus genuere sorores.

4. Benedictus

fructus ventris [tui]
Per te, virgo,

eis detur frui,
Qui hoc festum

celebrant cernui.

5. Exsultent Sion filiae
In sororum progenie,
Multiplicantes hodie
Laudes nominis Mariae.

Ad Benedictus.

A. Salutem in domo David
Nobis ex stirpe regia
Et Aaron prosapia
Deus Israel paravit.