Acta Apostolicae Sedis - Commentarium Officiale214

ACTA CONGREGATIONUM

CONGREGATIO DE CAUSIS SANCTORUM

ANTANANARIVEN.

Beatificationis et canonizationis Servi Dei Raphaëlis Aloisii Rafiringa Religiosi

Professi Instituti Fratrum Scholarum Christianarum (1856-1919)

DECRETUM SUPER VIRTUTIBUS

«Narrabo nomen tuum fratribus meis, in medio ecclesiae laudabo te ».

(Ps 22, 23).

Haec verba antiqui Psalmistae peculiari indole in vita resonant et in opera

quam Raphaël Aloisius Rafiringa pro suis fidei et culturae fratribus profudit.

Antananarivae in Madagascaria die 3 mensis Novembris anno 1856 ortus est

e quadam pagana familia ex nobili genere Hova; Servus Dei educationem ac-

cepit prius iuxta traditionem loci ac deinde quadam in schola. Fortuitu, anno

1868, quandam eucharisticam participavit celebrationem: animo permotus pro-

priam decrevit institutionem prosequi, sedem frequentando Instituti Fratrum

Scholarum Christianarum. Studio allectus figurae Iesu Christi eiusque doctrinae

altius in dies fieri christianus rogavit. Iam adulescens baptismum die 7 mensis

Novembris anno 1869 accepit. Ulterius increbruerunt in illo christianae doctri-

nae cognitio, fidei adhaesio, orationis spiritus, erga Virginem Sanctissimam

pietas. Exemplo attractus Fratrum Scholarum Christianarum, quibuscum so-

ciatam operam praestare coeperat, viginti et duos annos natus prius postulans,

deinde novitius in eorum Institutum est ingressus, superatis quibusdam paren-

tum difficultatibus. Perpetua emisit vota die 14 mensis Novembris anno 1889.

Interea contentio exorta est inter Francogalliam et Madagascariam. Omnes

exteri, etiam missionarii, Madagascariam relinquere debuerunt: inter quos ipsi

Fratres Scholarum Christianarum exeunte mense Maio anni 1883 ut Europam

redirent coacti sunt. Frater Raphaël unicus exstitit religiosus qui in insula

mansit. Per designationem christianorum Madagascariae, curam assumpsit de