Acta Apostolicae Sedis - Commentarium Officiale886

Fama sanctitatis attenta, qua in vita claruit, Vratislaviae celebrata est

Inquisitio dioecesana a die 14 Iunii anni 1995 ad diem 30 Decembris anni

2000, cuius iuridica validitas ab hac Congregatione de Causis Sanctorum per

Decretum die 22 Iunii 2001 est approbata.

Exarata Positione, die 19 mensis Aprilis anni 2005 sessio cum positivo

exitu habita est Consultorum in historia peritorum. Deinde disceptatum est

ex norma an Servus Dei heroicum in modum virtutes coluisset. Die 5 Octo-

bris anni 2007, Congressus Peculiaris Consultorum Theologorum feliciter ha-

bitus est. Patres Cardinales et Episcopi in Sessione Ordinaria die 16 Decem-

bris anni 2008 congregati, Ponente Causae Eminentissimo Domino Card.

Angelo Comastri, agnoverunt Servum Dei Robertum Spiske virtutes theolo-

gales, cardinales eisque adnexas heroum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Praefectum accurata relatione, Sanctitas Sua, vota Congre-

gationis de Causis Sanctorum excipiens rataque habens, hodierno die decla-

ravit: Constare de virtutibus theologalibus Fide, Spe et Caritate tum in Deum

tum in proximum, necnon de cardinalibus Prudentia, Iustitia, Temperantia

et Fortitudine, iisque adnexis, in gradu heroico, Servi Dei Roberti Spiske,

Sacerdotis dioecesani Fundatoris Congregationis Sororum Sanctae Hedvigis, in

casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 17 mensis Ianuarii A. D. 2009.

e Angelus Amato, S.D.B. Archiep. tit. Silensis

Praefectus

L. e S.

e Michaël Di Ruberto Archiep. tit. Biccarensis

a Secretis