Acta Apostolicae Sedis - Commentarium Officiale422

4º vetita in can. 908 Codicis Iuris Canonici 16 et in can. 702 Codicis

Canonum Ecclesiarum Orientalium 17 eucharistici Sacrificii concelebratio, de

qua in can. 1365 Codicis Iuris Canonici 18 et in can. 1440 Codicis Canonum

Ecclesiarum Orientalium,19 una cum ministris communitatum ecclesialium,

qui successionem apostolicam non habent nec agnoscunt ordinationis sacer-

dotalis sacramentalem dignitatem.

§ 2. Congregationi pro Doctrina Fidei reservatur quoque delictum quod

consistit in consecratione in sacrilegum finem unius materiae vel utriusque in

eucharistica celebratione, aut extra eam.20 Qui hoc delictum patraverit, pro

gravitate criminis puniatur, non exclusa dimissione vel depositione.

Art. 4

§ 1. Delicta graviora contra sanctitatem sacramenti Paenitentiae,

Congregationi pro Doctrina Fidei cognoscendo reservata, sunt:

1º absolutio complicis in peccato contra sextum Decalogi praeceptum, de

qua in can. 1378 § 1 Codicis Iuris Canonici 21 et in can. 1457 Codicis Canonum

Ecclesiarum Orientalium; 22

2º attentatio sacramentalis absolutionis vel vetita confessionis auditio de

quibus in can. 1378 § 2 n. 2 Codicis Iuris Canonici; 23

16 Codex Iuris Canonici, can. 908 - Sacerdotibus catholicis vetitum est una cum sacerdotibus

vel ministris Ecclesiarum communitatumve ecclesialium plenam communionem cum Ecclesia

catholica non habentium, Eucharistiam concelebrare. 17 Codex Canonum Ecclesiarum Orientalium, can. 702 - Sacerdotes catholici vetiti sunt una

cum sacerdotibus vel ministris acatholicis Divinam Liturgiam concelebrare. 18 Codex Iuris Canonici, can. 1365 - Reus vetitae communicationis in sacris iusta poena

puniatur. 19 Codex Canonum Ecclesiarum Orientalium, can. 1440 - Qui normas iuris de communica-

tione in sacris violat, congrua poena puniri potest. 20 Codex Iuris Canonici, can. 927 - Nefas est, urgente etiam extrema necessitate, alteram

materiam sine altera, aut etiam utramque extra eucharisticam celebrationem, consecrare. 21 Codex Iuris Canonici, can. 1378 - § 1. Sacerdos qui contra praescriptum can. 977 agit, in

excommunicationem latae sententiae Sedi Apostolicae reservatam incurrit. 22 Codex Canonum Ecclesiarum Orientalium, can. 1457 - Sacerdos, qui complicem in peccato

contra castitatem absolvit, excommunicatione maiore puniatur firmo can. 728 § 1, n. 2. 23 Codex Iuris Canonici, can. 1378 - § 2. In poenam latae sententiae interdicti vel, si sit

clericus, suspensionis incurrit: ... 2º qui, praeter casum de quo in § 1, cum sacramentalem

absolutionem dare valide nequeat, eam impertire attentat, vel sacramentalem confessionem

audit.