1008 Acta Apostolicæ Sedis - Commentarium Officiale

1. Melchiora ab Adoratione Cortés Bueno, in Vico Sos del Rey Católico

prope Caesaraugustam die 4 mensis Ianuarii anno 1894 nata, quae anno 1919

vota religiosa professa est atque inter annos 1924 et 1936 in ipso loco Leganés

magistra fuit et moderatrix Collegii Beatae Mariae Virginis Immaculatae.

2. Maria Severina Díaz-Pardo Gauna, Victoriae in provincia Alabensi die 23

mensis Octobris anno 1895 nata, quae anno 1922 vota religiosa professa est et

magistrae musicae functa est munere.

3. Maria Perdolens Barroso Villaseñor, Bonarii prope Onobam Aestuariam

die 4 mensis Octobris anno 1896 nata, quae anno 1931 vota religiosa professa

est et infirmorum ministrae explevit officium.

4. Stephania Saldaña Mayoral, in vico Rabé de las Calzadas prope Burgum

die 1 mensis Septembris anno 1873 nata, quae sive apud collegium sive apud

valetudinarium navum adimplevit servitium.

5. Maria ab Assumptione Mayoral Peña, in vico Tardajos prope Burgum

die 19 mensis Augusti anno 1879 nata, quae, votis religiosis anno 1902 pro-

fessis, apud valetudinarium Matritense pro oculorum lumine orbis infirmorum

ministrae functa est munere et, anno 1936, loco demigrare coacta, ad vicum

Leganés perrexit, ubi in vinculis arrepta est.

II. Coetus de 'Vallecas'. Die 3 mensis Septembris anno 1936 tres virgines

e communitate Domus Misericordiae de Leganés interfectae sunt atque in coe-

meterio Albasiti inhumatae, scilicet:

6. Maria Perdolens Ursula Caro Martín, Granatulae de Calatrava prope

Civitatem Regalem die 21 mensis Octobris anno 1893 nata, quae anno 1922

vota religiosa professa est atque Albasiti superiorissa fuit et eiusdem Domus

Misericordiae moderatrix.

7. Maria a Conceptione Pérez Giral, Matriti die 10 mensis Ianuarii anno 1887

nata, quae anno 1924 vota religiosa professa est et magistrae functa est munere.

8. Andreas Calle González, Plasentiae prope Castra Caecilia die 26 mensis

Februarii anno 1904 nata, quae anno 1936 vota religiosa professa est et ipsa

quoque magistrae munera exercuit.

III. Coetus de via ad Toletum. Die 31 mensis Octobris anno 1936, duae

virgines, quae operam suam Matriti apud nosocomium Sanctae Christinae na-

vabant, interfectae sunt atque in fovea coemeterii orientali inhumatae, scilicet: