324 Acta Apostolicæ Sedis - Commentarium Officiale

Die 8 mensis Decembris anno 1886 novitiatum iniit, nomen sumens

Honoratae. Anno 1889, postquam religiosa vota nuncupavit, Lublinum veluti

communitatis moderatrix est missa. Legaliter vestificinam dirigebat; secreto

tamen apostolatum exercebat inter iuvenes laborem quaerentes. Dum militia

regiminis Russiae, religioni fortiter infensi usque ad catholicae educatio-

nis prohibitionem, inspectionem exsequebatur, quidam catecheticus libellus

est repertus; Serva Dei in culpa fuit considerata atque mandatum accepit

Lublinum statim relinquendi. Cracoviam petiit, ubi anno 1893 moderatrix

nominata est religiosae communitatis, destinata ad iuvenes congregandas.

Sanctus Iosephus Sebastianus Pelczar, ut Congregationem Servularum Iesu

conferret ad constituendam Provinciam, decrevit maius aedificium emen-

dum atque definitas normas edendas quoad modum vivendi et missionem

adimplendi. Non solum religiosam vestem induendam statuit, Provinciae

nomen, missionis amplificationem etiam pro puellis operam quaerentibus et

aegrotis, sed etiam Regulas mutavit quae ab Archiepiscopo Cracoviensi sunt

approbatae. Re vera, anno 1894, novella nata est Congregatio, appellata

« Servulae Ss.mi Cordis Iesu », ab originali Servularum Iesu coetu separata.

Dum soror quaedam ex communitate Cracoviensi Varsaviam revertebatur,

Serva Dei simul cum alia consorore in hac nova institutione permansit. Sub

eius moderamine Institutum brevi crevit tempore quoad numerum tam reli-

giosarum quam communitatum. Ab anno 1905 assistentiam etiam praestare

coepit Polonis qui in Francogalliam migraverant.

Serva Dei non solum humanis eminuit dotibus, sed potissimum alta

spiritali vita: mulier fuit fortis in fide, sensibilis ad Dei vocem atque parata

ad eius sequendam voluntatem, vigilans atque prompta ad difficultates exau-

diendas egentium, puellarum potissimum et aegrotorum. Veluti cofundatrix

Congregationis Servularum Ss.mi Cordis Iesu, sedulum fuit instrumentum

ad accipiendam divinam inspirationem atque praecepta Fundatoris sancti

Iosephi Sebastiani Pelczar; altam coluit vitam orationis, cultum Sacri Cor-

dis diffudit, vota et constitutiones Congregationis fideliter servavit. Pro

sororibus vivum se praebuit exemplum amoris et servitii, humilitatis et

oboedientiae. Maximam et constantem propensionem ad caritatem demon-

stravit, quam summo iustitiae sensu est prosecuta. Idonea ad patientiam

et serenitatem difficilibus quoque in adiunctis prudens exstitit in Congre-

gatione gubernanda atque sapiens in sororibus instituendis, quas materno

cumulabat affectu, peculiariter erga aegrotantes. Fervens fuit eius orationis