292 Acta Apostolicae Sedis - Commentarium Officiale

magisterii, tum pontificum tum episcoporum, socialem Ecclesiae doctrinam

singulari modo considerat. Exemplariter consilium suis datum filiabus adim-

plevit: esse videlicet « contemplativae et hanc ob rem apostolae ». Annos

Concilii Oecumenici Vaticani II intensa gratitudine vixit et in documentis

conciliaribus suam intuitionem charismaticam recognovit.

Serva Dei sua in vita dotes humanas cum donis gratiae coniungere po-

tuit, absconditionem cum munere, contemplationem cum actione. Vera fuit

mystica in cotidiana vita atque sua dona orationis, spiritualis maternitatis

et apostolici incepti pro Ecclesia profudit, cuius se profonde et humiliter

considerabat filiam. Adhortationi respondens Ecclesiae circa opera in ter-

ris extra Europam adimplenda, filias suas in Boliviam misit, Brasiliam,

Columbiam, Argentinam, Americam Septentrionalem, Indiam, inter gentes

pauperrimas et egentiores. Romae die 10 mensis Iulii anno 1976 pie in

Domino obdormivit.

Perdurante fama sanctitatis, est peracta Inquisitio dioecesana apud Vi-

cariatum Romae a die 17 mensis Iunii anni 1987 usque ad diem 15 mensis

Septembris anni 1992 atque Inquisitio Rogatorialis Tarvisii a die 24 men-

sis Octobris anni 1987 ad diem 6 mensis Iunii anni 1988, quarum iuridica

validitas Decreto die 14 mensis Maii anno 1993 a Congregatione de Causis

Sanctorum est recognita. Parata Positione, disceptatum est, iuxta suetas

normas, an Serva Dei virtutes heroico modo exercuisset. Peculiaris Consul-

torum Theologorum Congressus die 23 mensis Martii anno 2012, positivo

cum exitu, habitus est. Patres Cardinales et Episcopi in Sessione Ordinaria

die 5 mensis Novembris anno 2013 congregati, me, Angelo cardinale Ama-

to, moderante, edixerunt Servam Dei heroico modo virtutes theologales,

cardinales iisque adnexas excoluisse.

Facta demum de hisce omnibus rebus Summo Pontifici Francisco per me,

subscriptum Cardinalem Praefectum, accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Cantate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servae Dei Mariae

Olivae Bonaldo a Corpore Mystico, Fundatricis Filiarum Ecclesiae, in casu

et ad effectum de quo agitur.