Congregatio de Causis Sanctorum 517

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Franciscae de

Paula de Jesus (v.d. « Nhá Chica »), Christifidelis Laicae, in casu et ad effectum

de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 14 mensis Ianuarii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci

Archiep. el. tit. Mevaniensis, a Secretis

VRHBOSNENSIS

Beatificationis seu Declarationis Martyrii Servarum Dei Mariae Iuliae Ivanišević

et IV Sociarum, Congregationis Filiarum a Caritate Divina ({ 15-23.XII.1941)

DECRETUM SUPER MARTYRIO

« Quis nos separabit a caritate Christi? Tribulatio an angustia an perse-

cutio an fames an nuditas an periculum an gladius? Sed in his omnibus

supervincimus per eum, qui dilexit nos » (Rom 8, 35. 37).

His Pauli apostoli verbis perspicue ostenditur martyrium Servarum Dei

sororis Mariae Iuliae Ivanišević eiusque quattuor sociarum, quae Martyres

Drinenses appellantur: persecutionem, enim, subierunt propter immanem

doctrinam antireligiosam cetnicorum atque, testimonium de Christo ac de

propria consecratione perhibentes, sanguinem effuderunt. Rerum contextus

in quo illae vitam gesserunt - primo nempe dimidio XX saeculi - impla-

cabili notatus est odio adversus fidem, quod gentes Bosniae Orientalis affecit.