Acta Apostolicae Sedis - Commentarium Officiale400

do Mortara, Provinciae Ticinensis, quo extremis annis se reconderat, animam

exhalavit.

Summus Pontifex Benedictus XVI die 26 mensis Iunii anno 2006 Servum

Dei theologales, cardinales eisque adnexas virtutes heroico in gradu exsecu-

tum esse declaravit.

Intuitu beatificationis, Postulatio Causae iudicio Congregationis de Cau-

sis Sanctorum coniectam miram subiecit sanationem adulescentis quindecim

annorum aetatis, nempe Ioannis Petri Rigolone qui, vespere diei 28 mensis

Februarii anno 1984 manuballistam venatoriam manibus scrutans, ob ictum

fortuito explosum sese in vultu graviter vulneravit, qua de causa innumerae

pilulae metallicae penetrarunt cranium adulescentis, qui statim in profun-

dum veterni statum cecidit. Translatus est in valetudinarium Sancti Andreae

Vercellarum et inde in Valetudinarium Maius Novariae, ubi declaratus est

chirurgice non operabilis. Attentis quidem summopere gravibus adulescentis

aegroti condicionibus, eodem infortunii die preces Deo sunt effusae per inter-

cessionem Servi Dei ab eiusdem Sororibus Missionariis et innumeris fidelibus;

praeterea ad matrem adulescentis missum est sudarium Patris Fundatoris,

quo ipsa cotidie frontem tangebat filii sui in veternoso statu versantis. Paucis

post diebus indicia exorta sunt convalescentiae, quae celerrime, stupentibus

ac mirantibus medicis, in perfectam sanationem est mutata. Clare patuerunt

sive congruentia temporis sive nexus inter invocationem Servi Dei et sana-

tionem Ioannis Petri Rigolone, qui in praesens bona fruitur valetudine et

facultate vitam necessitudinis ad normam gerendi.

Circa sanationem miram habitam, a die 3 mensis Decembris anno 2001 ad

diem 20 mensis Septembris anno 2002 apud Curiam Vercellensem instructa

est Inquisitio Dioecesana, cuius vim iuridicam ratam habuit haec Congrega-

tio Decretum edens die 21 mensis Februarii anno 2003. Consilium Medicum

Dicasterii in sessione diei 12 mensis Octobris anno 2006 edixit huius vastantis

laesionis cranicae sanationem « instantaneam, perfectam ac constantem fuis-

se, nec non ex hodierna scientia medica inexplicabilem ». Die 30 mensis Octo-

bris anno 2007 actus est Congressus Peculiaris Consultorum Theologorum,

quorum favens sententia a Patribus Cardinalibus et Episcopis in Sessione

Ordinaria congregatis die 11 mensis Martii anno 2008 est confirmata, Ponen-

te Causae Em.mo Cardinale Angelo Comastri, Archipresbytero Pontificiae

Basilicae Vaticanae. Et tam in Congressu Consultorum quam in Sessione

Cardinalium et Episcoporum, ad quaestionem utrum ageretur de miraculo