Acta Apostolicae Sedis - Commentarium Officiale774

coram doloribus sese animadvertens, mysterium paschale Iesu saepius

recordabatur, cui se omnino adhaerere cernebat. Dum vicesimum agebat

aetatis annum, eius festinae passionis consummata est hora: post

novissimum accessum morbi, die 12 mensis Ianuarii anno 1946 vota

perpetua in articulo mortis professa est. Impetibus dolorum item

grassantibus, in valetudinarium recepta est. Tabes autem corpus iam

fregerat. Maria Teresia, mortem imminentem sentiens, conscio animo in

manus Christi amatissimi procubuit et arridenti vultu postrema nomina

Iesu et Mariae invocans, die 12 mensis Martii anno 1946, in conventu

Barcinonensi in Domino quievit, communitatem derelinquens maestam, sed

plenitudinis vitae exemplo etiam summopere fultam gaudioso.

Postridie exsequiae celebratae sunt et Barcinone in coemeterio « Orientis »

sepultae exuviae, quae nunc Xarriae apud Domum pro spiritualitate

Communitatis Claretianae asservantur.

Sanctitatis fama viguit apud socias et omnes, qui eam convenerant. Quare

a die 12 mensis Ianuarii anno 1962 usque ad diem 19 mensis Iunii anno 1967

Causa Beatificationis et Canonizationis apud Archidioecesim Barcinonensem

inita est per celebrationem Processus Informativi et, iuxta praxim renovati

iuris, a die 18 mensis Martii anno 1976 ad diem 3 mensis Ianuarii anno 1980

Processus Cognitionalis, necnon die 18 mensis Maii anno 1979 apud Curiam

Matritensem Processus Rogatorialis. Congregatio pro Doctrina Fidei scripta

Servae Dei inquisivit et « nihil obstat » concessit die 13 mensis Martii anno

1976. Processuum auctoritas et vis iuridica a Congregatione de Causis

Sanctorum Decreto diei 6 mensis Iunii anno 1986 probatae sunt. Positione

confecta, iuxta suetum morem, die 8 mensis Iulii anno 2009 in Congressu

Peculiari Consultorum Theologorum prospero cum exitu disceptatum est an

Serva Dei more heroum virtutes christianas exercuisset.

Patres Cardinales et Episcopi in Sessione Ordinaria diei 20 mensis Aprilis

anno 2010, audita relatione Eminentissimi ac Reverendissimi Domini Rogerii

Cardinalis Etchegaray, Causae Ponentis, professi sunt Servam Dei virtutes

theologales, cardinales iisque adnexas in modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servae Dei Mariae