Acta Apostolicae Sedis - Commentarium Officiale518

Peculiarem in modum pertinacia in sacerdotes, personas consecratas et sacra

aedificia atrociter intulit.

Servae Dei pertinebant ad Congregationem Filiarum a Caritate Divina et

ad Provinciam ''Divinae Providentiae'', cuius sedes tunc Vrhbosnae posita

erat. Earum caritatis opera omnibus incolis illius regionis notissima erant:

praesertim magni aestimabatur servitium gratuitum et pauperibus cuiuslibet

ordinis ac religiosae fidei deditum, ita ut earum conventus, in vico Pale

exstans, ''Hospitium Pauperum'' appellaretur. Hac in sede soror Maria Iulia

eiusque quattuor consorores miram egerunt vitam, oratione suffultam et

operibus beneficentiae confirmatam. Earum opus in oecumenica pastoralique

re necnon in caritatis exercitio usque ad diem sequestrationis perduravit.

Belli et persecutionis non obstantibus periculis, illae minime se retraxerunt,

sed in fide tuenda et in votis servandis constantes perstiterunt. Haec enim

constantia veluti Servarum Dei anticipatio exstitit ad martyrium amplec-

tendum.

Postmeridianis horis diei 11 mensis Decembris anno 1941, quidam cetnici

in conventum irruperunt, illum vastantes et incendio delentes; deinde

comprehenderunt quinque sorores, coactas ad iter longum sex et sexaginta

chilometra super nivem percurrendum. Senior ex illis, soror Berchmana, in

oppido Sjetlina consistere debuit, dum ceterae in pagum Garažde pervene-

runt. Hic enim, ad stativa castra translatae, omne genus contumeliis vexatae

sunt et minationibus, quas in spe et aequo animo sustinuerunt, optantes

propriam dignitatem et votum castitatis magis quam libertatem et vitam

tueri. Sica necatae sunt die 15 mensis Decembris anno 1941; altera vero

aliquot post dies interfecta est.

Harum Servarum Dei, quae coniunctae cum Domino crucifixo sanguinem

effuderunt, biographicam descriptionem breviter exhibemus.

Serva Dei soror Maria Iulia Ivanišević, moderatrix communitatis loci Pale,

nata est in oppido Godinjak, apud Novam Gradiškam in Croatia, die 25

mensis Novembris anno 1893. Admissa in Congregationem Filiarum a Cari-

tate Divina in urbe Vrhbosna, anno 1923 perpetua vota nuncupavit. In vitae

suae decursu varia implevit officia, qualia sunt domestici labores, onerosa

agri cultura, immo quarundam communitatum moderamen. Cum Deo in

oratione iugiter coniuncta, inter omnes pacem et bonum diffundebat. Arden-

tem amorem, quem erga communitatem suam nutriebat, die sequestrationis

ostendere potuit, die nempe 11 mensis Decembris anno 1941. Illo quidem die

e domo aberat. Sed, cum sciret de instanti sororum periculo, solas relinquere