1010 Acta Apostolicæ Sedis - Commentarium Officiale

Cum fama martyrii harum Servarum Dei apud populum christifidelium ad-

modum pervasisset, apud Curiam Archiepiscopalem Matritensem die 7 mensis

Novembris anno 1960 causa beatificationis canonice inita est per celebrationem

Processus Informativi super martyrio, quae a die 28 mensis Aprilis anno 1998

ad diem 21 mensis Maii anno 1999 tamquam Inquisitio dioecesana prosecuta est,

cuius auctoritas et vis iuridica a Congregatione de Causis Sanctorum Decreto

diei 10 mensis Decembris anno 1999 probatae sunt. Positione confecta, iuxta

suetum morem, die 8 mensis Aprilis anno 2011, Congressus Peculiaris Consul-

torum Theologorum factus est, in quo prospero cum exitu disceptatum est an

Servarum Dei mors verum martyrium fuisse. Patres Cardinales et Episcopi in

Sessione Ordinaria die 29 mensis Octobris anno 2012 habita, cui egomet ipse,

Angelus Cardinalis Amato praefui, agnoverunt supradictas Servas Dei ob fide-

litatem erga Christum et Ecclesiam confessam verum in odium fidei martyrium

passas esse.

De hisce omnibus rebus, referente subscripto Cardinale Praefecto, certior

factus, Summus Pontifex Benedictus XVI, vota Congregationis de Causis Sanc-

torum excipiens rataque habens, hodierno die declaravit: Constare de martyrio

eiusque causa Servarum Dei Melchiorae ab Adoratione Cortés Bueno et XIV So-

ciarum, virginum e Societate Filiarum a Caritate Sancti Vincentii de Paul, in

casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 20 mensis Decembris a.D. 2012.

Angelus Card. AmAto, s.D.B. Praefectus

L. G S.

G mArcellus BArtolucci Archiep. tit. Mevaniensis, a Secreti