326 Acta Apostolicæ Sedis - Commentarium Officiale

QUITENSIS

Beatificationis et Canonizationis Servae Dei Mariae Franciscae a Vulneribus (in

saeculo: Mariae Rosae Helenae Cornejo) Fundatricis Congregationis Sororum

Franciscalium Missionariarum ab Immaculata (1874-1964)

DECRETUM SUPER VIRTUTIBUS

« Super crucem omnino reclinavi et vitam meam doloris, humilitatis,

silentii et oblivionis oblationem feci ».

His verbis commissis spiritualibus filiabus ad profundiora cordis sui com-

municanda, Serva Dei Maria Francisca a Vulneribus summam et aptissimam

de vita sua descriptionem delineavit et in moriendo hoc in mundo, ut vive-

ret tota in Christi mysterio, fìrmissimum iter ad sanctitatem suppeditavit.

Serva Dei die 11 mensis Decembris anno 1874, eodem anno quo Ae-

quatoria natio Sacro Cordi Iesu tradita est, Quitensi in pago, ad lumina

vitae surrexit. Mater eius, Tertii Ordinis Sancti Francisci fervens sodalis,

ei pretiosissimum bonum, scilicet firmam fidem et in Virginem Immacu-

latam teneram pietatem tradidit. Eodem die nativitatis puellula baptizata

est nomen Mariae Rosae Helenae suscipiens. Anno 1884 ad coenam Domi-

nicam primitus admissa est. Hoc primo occursu eucharistico, eius in corde

vestigium vivissimum relictum est, quod deinceps eo magis Iesu amore fla-

grabat. Dominus eam ad mandatum suum gradatim parabat, in quo summa

virtute adoratrix et anima sedula ad Dei gloriam animarumque ad salutem

facta est. Septimum decimum annum aetatis agens, Maria Rosa Helena in

Tertium Ordinem Saecularem Sancti Francisci ingressa est, in quo humi-

litate et paupertate secundum illius Pauperis Assisiensis exemplum vivere

et caritatis evangelicae opera exercere didicit.

Die 4 mensis Maii anno 1897 quidam, illius partis eorum, qui libere de

re publica sentire iactabant et religioni infestissimi erant, scelus horribile

in Societatis Iesu patrum collegio pagi v. d. Riobamba admiserunt, institu-

tum oppugnaverunt, rectorem interfecerunt et Sanctam Eucharistiam impie

profanaverunt. Hoc gravi casu, Serva Dei fundare voluit novam Congrega-

tionem vitae consecratae praecipue ad diurnam et nocturnam adorationem

Santissimi Sacramenti ad satisfactionem et refectionem omnium iniuriarum